Norris y no Verstappen, a pone e ritmo riba prome dia di test pre-temporada di Formula 1 na Bahrain

BAHRAIN - Lando Norris a termina e dia di apertura di pruebanan pre-temporada na e Circuito Internacional di Bahrain pa Formula 1, na cabes, cu e coredo di McLaren poniendo e tempu mas lihe di dia durante un session di atardi cu a wordo prolonga cu un ora extra despues di un bandera cora.

Despues cu cada team a core un di nan coredonan den e session di mainta – cu Kimi Antonelli di Mercedes a pone e tempo mas lihe y tambe a pone e cantidad di buelta mas halto na 78 – tabata turno di e otro mitar di e grid pa subi tras di stuur pa e di dos session di diarason pa 1500 ora local.

E nobato Isack Hadjar tabata e prome pa subi pista pa Racing Bulls – y el a bira tambe e spinner di debut di session, aunke afortunadamente no tabatin daño haci pa e frances. Pronto otronan a join e riba e circuito, incluyendo e campeon mundial reinante Max Verstappen.