Na Corsou, segun OM tin 5 cargo penal contra ex parlamentario Martinez

WILLEMSTAD - Ayera riba página di facebook di Michelangelo “Lo” Martines, esta “Low Real KEM”, a publiká e akusashonnan ku djabièrnè awor ministerio públiko lo hiba kontra di dje. Djabièrnè awor 28 di febrüari pa 2’or di mèrdia, e eks parlamentario i lider polítiko di partido KEM ta den korte pa trata su kaso di transporte di droga i tambe labamentu di plaka. E kaso ta hiba di number “BLEDA”, i e ta “Pro Forma”.

“Lo” a indiká riba su página di Facebook “Low Real KEM” lo siguiente dje akusashonnan: akusashonnan kontra di e supuesto investigashon penal ‘BLEDA’: "Low de Anti" Ku OM i RST ta hasiendo tur nan bèst for di aña 2022 pa por hinka M.Martines den e sapatu di e "Low de Anti" sin éksito te ku awe na aña 2025. 1) Transporte di 20 kg di Panama bai Hulanda na aña 2019; 2) Transporte i/òf Preparashon di 100 kg di Panama pa Bèlgika, Pero nan ta bisa ku nan no sa si e la tuma lugá si òf no, aña 2020; 3) Transporte i/òf Preparashon di droga di Panama bai Fransia i/òf Spaña i/òf Bèlgika durante 2019/2020; 4) Un potrèt di un supuesto 1 kg ku a wòrdu manda den telefòn di Martines na Santo Domingo na aña 2023. 5) Underground Banking di e sumanan di: 1.000.000 euro/dollar/naf, 200.000 euro/dollar/naf, 135.000 euro/dollar/naf, 35.000 euro/dollar/naf, 10.000 euro/dollar/naf, 9.600 euro/dollar/naf”. Mas aleu riba e página ta bisa ku Michelangelo Martines ta bai hasi tur posibel pa entrega un keho ofisial kontra di e miembronan di RST ku a hasi nan mes kulpabel na falsifiká Prosèsverbal pa por a Logra detenshon di parlamentario Martines. For di ora e kaso a bira konosí ku e ta pro-forma, Martines no a keda kontentu i a bisa ku e lo bai eksigí pa korte trata su kaso den su totalidat. Pues djabièrnè awor lo bai mira kon e kaso ta desaroyá.NOTA: Texto ta scirbi den Papiamento fonetico di Corsou.