Todd-Dandare: Hopi interes pa charla riba diversidad liguistico

ORANJESTAD - Awe 21 di februari, UNESCO a proclama como un día pa promove diversidad lingüístico y enseñanza multilingual y tambe conscientisa e comunidad riba e importancia di enseñanza di nos lenga materno.

Relaciona cu e día aki  Centro di Bario Noord a invita Ramon Todd Dandare Mag.Ling pa presenta un charla relaciona cu e historia di nos lenga papiamento.

E ta un bunita momento unda netamente e persona cu a duna e charla pa inicia e celebración aki 25 anja pasa, ta esun cu a duna e charla aki na e comunidad di noord diamars ultimo.

E interés di habitante di noord tanto di edad avansa como hoben a haci acto di presencia unda interactúa riba diferente preguntanan e anochi aki. Un historia cu ta bale la pensa ripiti, según esnan cu a presencia e charla aki a duna di conoce.

Centro di Bario Noord, e prome centro di bario na Aruba, su programa leider sra Ligia Roza ta trahando riba diferente programa pa asina trece esaki nan bek den e pueblo di noord. Sra Ligia ta gradici sr Gregory Mathilda pa su asistencia pa por a logra e evento aki.

Un centro di bario hopi activo unda ta organiza eventonan social, cultural, deportivo pa henter e bario.

A pesar cu ta den pleno celebración di carnaval, pa cua Centro di Bario tambe ta yuda organiza y participa, nan no a laga e oportunidad aki pasa bay sin percura pa duna e atencion special aki y haci eventonan educacional pa e bario.  

Dia di nos lenga materno awor tin mas atencion pa habitantenan di Noord. Pabien Centro di bario Noord y ta spera di por continua cu e charlanan aki.