Szabó: ‘Tin retraso, pero Aruba ta dunando prioridad na entrega di e jaarrekeningen’

DEN HAAG – “Tin un atraso den entrega y aprobacion di e jaarrekening di Pais Aruba, pero mi no ta comparti e conclusion cu Aruba no ta duna prioridad na entrega di e jaarrekening”. Asina secretario di estado Hulandes Szabó a contesta miembro di Tweede Kamer, de Vries riba su critica cu si Aruba ta cumpliendo of no cu su responsabilidad financiero. Segun Szabó, ‘cu uso di sosten externo di e Pakete Nacional, trabounan duro a wordo haci pa alcansa for di aña pasa”. E ta mustra cu e meta ta pa eliminá e atraso te y incluyendo e cuentanan anual di 2023 e aña aki.

ALGEMENE REKENKAMER

“Tambe mi ta comparti e otro conclusionnan y recomendacionnan di Algemene Rekenkamer di Aruba den e cuentanan anual 2019 y den e contexto ey tambe a haci acuerdonan importante den e agenda di ehecucion pa e Pakete di Pais pa loke ta trata e enfoke, planificacion y e resultadonan pretendi pa mehora e maneho financiero” Szabó a sigi bisa.”  E organisacion di Trabou Temporal ta trahando constructivamente cu Aruba riba e topiconan aki”.