Paul Croes: No ta haci excepcion pa musiconan stranhero mas na Aruba!

ORANJESTAD - Den un comunicado dirigi na Departamento di Progreso Laboral (DPL) y tambe dirigi na DIMAS, minister Paul Croes a anuncia algun cambionan den maneho di peticion pa prome permiso pa subi e mercado laboral di Aruba. Un categoria cu anteriormente tabata cay bao di excepcion, ya no vigente mas. E categoria di musico y artistanan. Cu e cambio aki (kitando e grupo aki for di e lista di excepcion), lo tin mas proteccion pa e artistanan local. E cambio aki ta conta tambe pa gruponan di baile di exterior (trahando pa hotelnan). Minister a wordo notifica cu varios gruponan di baile y artistanan local ta wordo remplaza pa artistanan di afor y segun Minister Paul Croes esaki no ta bon. Pa coregi e situacion aki, a trece cambionan den e lista di excepcion conoci comi articulo 2.2. (Maneho di Labor: Arbeidsmarkt toetsing). Lo consulta cu DPL y cu e asosacion cu ta representa musiconan local por medio di un comision, y esaki lo duna un conseho riba e peticionan di afor.