Cft: Bestuurscollege di Bonaire simplemente no ta in control

Posted on 02/18/2025 3:40 pm AST | Updated on 02/18/2025 3:42 pm AST

KRALENDIJK – Durante e deliberacionnan cu a tene cu Colegio Ehecutivo y Conseho Insular di Boneiro, Colegio di supervision financiero di Boneiro, Sint Eustatius y Saba (Cft) a pidi atencion pa e problemanan cu frecuentemente ta keda refleha den e hayazgonan di Cft. Maneho financiero, e politica presupuestario y e funcionamento di e entidadnan gubernamental ta core peliger di recaida, pa motibo di un falta di capacidad di implementacion. Boneiro simplemente no ta in control.

CAPACIDAD DI IMPLEMENTACION

Den tur e areanan, Cft ta constata un falta di capacidad di implementacion, loke ta varia di un falta di tumamento di decision pa e gobernacion insular te un falta di implementacion di esaki. Esaki ta keda refleha den e recaida di maneho financiero, implementacion deficiente di maneho y funcionamento insuficiente di entidadnan gubernamental.

MANEHO FINANCIERO

Den e añanan pasa, Boneiro a tuma pasonan importante pa mehora maneho financiero. Pa 2023, pa di dos biaha consecutivo, Boneiro a ricibi un declaracion completamente aprobatorio di auditor. Sin embargo, tin un recaida. E aña pasa, Cft a expresa su mes di manera critico den su consehonan, y a sinti e obligacion pa abstene di emiti huicio tocante di e di cuater informe di implementacion di 2024, pa motibo di e suministro deficiente di informacion. Di e manera aki, ta limita Conseho Insular den su tarea di supervision. Considerando e hayazgonan aki, Colegio Ehecutivo a invita Cft pa – riba termino cortico – duna consehonan mas detaya tocante di e structuracion di maneho financiero.

IMPLEMENTACION PRESUPUESTARIO 2024 Y CONSECUENCIANAN PA 2025

Cft a reitera su preocupacionnan tocante di e factibilidad di e ambicionnan presupuestario di Boneiro, y ta observa un desaroyo preocupante respecto di recursonan no gasta. Den un plaso di 5 aña, e presupuesto di Boneiro a ser redobla, mescos cu e reservanan. E isla tin dificultad pa gasta e recursonan, y tin hopi placa di parkeer den reservanan aloca. Debi na esaki, ta aplasa pa añanan posterior e ambicionnan politico di 2024.

ENTIDADNAN GUBERNAMENTAL

Cft tambe a pidi atencion pa corporate governance y e maneho di e entidadnan gubernamental. E funcionamento di Selibon ta demostra e urgencia di atende cu e puntonan aki mas pronto posibel.

COBRO DI IMPUESTONAN LOCAL

Finalmente, Cft a reitera su obhecionnan contra e intencion di Boneiro pa tuma over e cobro di impuestonan local di Belastingdienst Caribisch Nederland. Esaki ta crea riesgonan considerabel pa e presupuesto di Boneiro. E organisacion administrativo ya caba ta bao di presion debi na e retonan den e area di implementacion di politica, maneho financiero y entidadnan gubernamental. Como reaccion, Colegio Ehecutivo a indica cu e lo laga den tur caso e funcion di loket di e servicio di impuesto cerca Belastingdienst Caribisch Nederland. Ademas, Boneiro lo priorisa pone na ordo e administracion basico di impuestonan.

Gobierno di St Maarten ta evaluando impuesto riba tip den F&B
PHILIPSBURG – Minister di Finansa Marinka Gumbs ta revisando e belasting di propina, bisando miembronan di Parlamento (MPs) dialuna cu e asunto tin su atencion completo. “Nos ta reconoce cu hopi trahado den e sector di hospitalidad cu ta ricibí tip ta den e gruponan di entrada mas abou, y ta importante pa garantisa cu nos politica di belasting ta sostene cresemento economico mientras ta fomenta husticia. Mi sigur no ta contra di esaki, pero ta importante pa hasi e investigacion y analisis necesario pa compronde completamente e implicacionnan.
Mas Region
Lesa Mas
Gobierno no ta apela: Z Air por haya su permitnan pa bula pa St Maarten!
PHILLIPSBURG - Durante un konferensia di prensa semanal di gobièrnu di St. Maarten, Heyliger-Marten a bisa ku seguridat den aviashon ta keda un prioridat pa St. Maarten. SMCCA ta tene su mes na regulashonnan lokal i internashonal pa sòru ku ta kumpli ku e reglanan di seguridat. EZ a kumpli ku e medidanan estrikto aki i St. Maarten ta spera ku tur kompania ku ta bula riba St. Maarten pa sigui kumpli ku regulashonnan i lei di seguridat.
Mas Region
Lesa Mas
Sosten militar durante buskeda den Prison Point Blanche na Sint Maarten
PHILLIPSBURG - E destacamento di Marina na Sint Maarten, cu ta parti di Defensa Region Caribe, riba Diaranson 12 di Februari a duna sosten na Cuerpo Policial Sint Maarten durante un buskeda den e Instituto Penitenciario Point Blanche. E meta di e sosten aki tabata mantencion di ordo dentro di e prizon y garantise seguridad di tanto e trahadonan como e detenidonan.
Mas Region
Lesa Mas
Un temblor den Caribe a causa alerta di Tsunami pa Caribe
MIAMI - Un temblor calcula di magnitud 76 a azota Lama Caribe diasabra, noord di Honduras, y islanan y paisnan bisiña a emiti advertencianan potencial di tsunami. Inicialmente, e Centro di ADvertenCia di Tsunami a informA un temblor di magnituD 8 prome cu a revisa esaki.
Mas Region
Lesa Mas
Merca a confisca avion usa pa gobierno Venezolano
MIAMI – Gobierno Mericano a confisca avion usa pa gobierno Venezolano pa motibonan priva. Segun informacion suministra pai e portal caracas chronicle, e avion aki tabata haci biahe pa Aruba tambe. E ta un avion di PDVSA cu a wordo tuma den beslag a wordo uza pa vice presidente Delcy Rodríguez, hunto cu amigo y famianan di funcionarionan di Maduro, pa viahenan di ocio. E ta bou di sanshonnan di Tesoro di Merca for di 2020. Asina e portal Venezolano ta raporta.
Mas Region
Lesa Mas
Federacion nobo “Dutch Caribbean Mental Health” ta representa tur 6 isla di Caribe Hulandes
ORANJESTAD/KRALENDIJK – Riba 17 di december 2024, a wordo funda oficialmente e Federacion “Dutch Caribbean Mental Health”. E federacion aki ta e resultado di un cooperacion unico entre FSMA Respaldo (Aruba), GGZ Corsou, Verslavingskliniek Brasami (Corsou), PSI Skuchami (Corsou), y Mental Health Caribbean (Bonaire, Sint Eustatius, y Saba). Mental Health Foundation (Sint Maarten) a indica cu nan lo uni mas despues na e colaboracion aki.
Mas Region
Lesa Mas