Na Corsou grupo polisial ta sospecha di ta enbolbi den traficacion di hende

WILLEMSTAD - Tin un investigashon basta grandi andando den sekresia, relashona ku un kaso di trafikashon di hende. E loke ta hasi e investigashon akí remarkabel ta ku tin algun agente polisial di rangonan basta haltu ku ta involukrá den e asuntu akí. Aparentemente un di e agentenan polisial ku ta na kabes di e henter e organisashon akí, lo ta manda buska e dama nan bou di vários preteksto i ora ku nan yega aki , laga nan traha komo ‘trago meisje’. Despues ku nan no ta interesante mas, ta laga polis detené nan komo ilegal i deportá nan pa nan pais. Esaki tabata e kaso siman pasá, na momento ku polisnan a bai na un bar, i a detené un kantidat di dama ilegal ku tabata traha na e bar akí. Tur e damanan a keda detené, pero ora a start ku un investigashon, e kos a bòltu na momento ku un di e dama nan a basha abou riba e grupo di agentenan polisial akí. E agentenan polisial ta manda buska e damanan i oblig’é nan hasi aktonan kontra nan boluntat. Pues tur e damanan akí a resultá di ta viktima di e grupo di agentenan polisial. Durante dianan tras di lomba, tur e damanan a keda skuchá pa asina hasi e investigashon. E agente polisial na kabes di e organisashon aki den pasado a hañ’e den problema pa algun akto ku el a kometé kontra lei. E kaso ta den un sekresia pa asina por hasi e investigashon mas profundo. No ta ekskluí detenshon den e kaso aki. NOTA: Texto scirbi den Papiamento fonetico di Corsou.