Ciclista den pleno careda ta haya atake y fayece

ORANJESTAD   (AAN):   Un ciclista den pleno careda diadomingo atardi a cay y fayece, posiblemente di un atake di curason. Polis a y ambulance a wordo manda cu urgencia entre Shiribana y Cashero. E prome informe tabata di un ciclista cu a cay y herida su mes. Pero na yegada di autoridad, a mira cu e situacion tabata mas serio. Un persona di cruz cora cu a yega prome, tabata dunando CPR (prome ayudo) y a pasa esaki pa personal di ambulance. Pero rapidamente a bira conoci cu no por a haci mucho mas pa e persona. A yama docter cu a constata morto di e persona. E identidad ainda no ta(bata) conoci. Paz na su restonan y forsa na e famia.