Merca a confisca avion usa pa gobierno Venezolano

MIAMI – Gobierno Mericano a confisca avion usa pa gobierno Venezolano pa motibonan priva. Segun informacion suministra pai e portal caracas chronicle, e avion aki tabata haci biahe pa Aruba tambe. E ta un avion di PDVSA  cu a wordo tuma den beslag a wordo uza pa vice presidente Delcy Rodríguez, hunto cu amigo y famianan di funcionarionan di Maduro, pa viahenan di ocio. E ta bou di sanshonnan di Tesoro di Merca for di 2020. Asina e portal Venezolano ta raporta.

JET LUHOSO

E ta un jet luhoso Dassault Falcon 2000 EX, identifica cu number di rabo YV3360 y confisca diahuebs pa e administracion di Donald Trump .

BULA PA ARUBA

Di acuerdo cu informacion obtene pa La Hora Venezuela, oficialnan y nan parientenan a usa e avion aki pa biaha pa destinashonnan manera Repúblika Dominikana, Mexico, Aruba, Curaçao, Brazil, Barbados, Antigua, Portugal, Cabo Verde, y Merca entre 2017 y maart 2020. Un fuente den sector di aviacion a confirma cu cada ora di vuelo di e modelo di avion aki ta costa $20.000. Su pilotonan tabata riba e lista di pago di PDVSA. Entre e pasaheronan frecuente di e avion lo tabatin rumannan Delcy i Jorge Rodríguez; e yiu homber di e ultimo, Juan Pedro Rodríguez Pedroso; Minister di Defensa Vladimir Padrino López; congresista y ex presidente di PDVSA Manuel Quevedo y su esposa María del Pilar Araujo de Quevedo; Elías Jaua; Jorge Arreaza; María Gabriela Chávez; Marleny Contreras de Cabello, Daniela Cabello, y Tito Cabello Contreras, entre otro.

CONFISCA PA RUBIO

E confiscacion a wordo ordena pa Secretario di Estado Marco Rubio, kende publicamente a anuncia e medida durante su bishita oficial na Santo Domingo, e ultimo parada di su prome gira internacional den e region despues di asumi su cargo.