Croes: Stabilidad politico di pais bisiña Venezuela ta importante

ORANJESTAD - "Aruba y Venezuela tin lasonan historico, politico, comercial y economico. Lasonan cu Gobierno di Aruba lo kier estrecha aun mas esakinan. Pa nos pais y region, estabilidad politico y economico di nos pais bisiña ta sumamente importante". Na palabra minister Paul Croes diadomingo na occasion di celebracion di e di 204 aña cu ta celebra  'Dia di independencia di Venezuela'. Na e occasion el a felicita e comunidad Venezolano y tambe Gobierno Venezolano. Croes a representa Gobierno di Aruba na ocasion di e celebracion importante aki. Na 1811 e grito di inpendencia a keda proclama y asina Venezuela a bira un pais soberano. "Republica Bolivariana di Venezuela ta un pais cu rikesanan grandi. Un pais cu un diversidad grandi. Di playanan bunita di Margarita, como sneeuw na Merida y jungla na Amazonas. Principalmente Venezuela tin un pueblo fuerte y trahador", Minister Paul Croes a bisa den su discurso.