Aruba ta entre 7 nacionan di Caribe cu a conoce ganashi mas grandi di turismo

MIAMI - Aruba ta entre 7 nacionan di Caribe cu a conoce ganashi mas grandi di turismo. E industria di turismo na Latino America y Caribe a experencia cresemento rapido na 2024, cu shete pais cu a genera entrada substancial. Liderando e nacionnan Latino Americano tabata El Salvador, segun un informe di Turismo di Nacionnan Uni. Un tempo plaga pa violencia relaciona cu droga, e pais Centroamericano a mira su entrada di turismo aumenta cu mas cu 200%. E yegada di turista a aumenta cu 81% compara cu e aña anterior, cu ta clasifica El Salvador na di dos luga globalmente, net tras di Qatar, cu a registra un subida di 137%.

Otro prestacionnan notable a bin di paisnan manera Curaçao (+51%), Colombia (+37%), Guatemala (+33%), Republica Dominicana (+32%), Aruba (+27%), y Panama (+17%). E resurgimento di turismo aki ta refleha un recuperacion mas amplio cu a restora biahe internacional na nivelnan pre-pandemia. Pa El Salvador, e transformacion tabata profundo. Presidente Nayib Bukele a expresa orguyo den e logro, bisando cu su pais a evoluciona for di “e capital di asesinato di mundo” den un destinacion turistico di mas halto. E region di Latino America a atrae inversion directo estranhero (FDI) significante den proyecionan turistico, sigurando mas cu $20 biyon na capital y creando mas cu 73.000 cupo di trabou entre 2019 y 2023.