Secretario di Estado Szabó a ricibi prome ehemplar di aña di estimulo di Kadushi

DEN HAAG – Secretario di Estado pa Relacionnan den Reino  Zsolt Szabó a ricibi e prome ehemplar di e coleccion ‘Kadushi’s Prikkeljaar 2024’ cerca René Zwart, publicista di e portal critico hulandes DossierKoninkrijksrelaties.nl.

Den su columna semanal, Zwart su alter ego Kadushi ansiosamente ta pega su sumpiñanan den administradornan y politiconan den tanto e parti Europeo como Caribense di Reino, “pero solamente si nan a pidi p’e”. E coleccion di 288 pagina ta dedica na “tur e Arubianonan, Bonerianonan, Curasoleñonan, Sabanonan, Statianonan i Sint Maarteners ei pa kendenan bida lo por tabata un tiki mas sunu si administradonan i políticonan na tur dos banda di laman a hasi nan maximo esfuerso pa garantisá bon relashonnan den reino.”

E di 4 volumen aki den e serie di Kadushi ta inclui tambe e columnanan di corespondentenan riba Aruba, Boneiru, Corsou, Saba, Sint Eustatius i Sint Maarten cu a aparece riba e website aña pasá. ‘Kadushi’s Prikkeljaar 2024’ no ta na benta, pero por wòrdu download grátis komo un e-book i/òf PDF for di DossierKoninkrijksrelaties.nl.