- AAA: No mester kita sapato mas na aeropuerto ora di screen pa biaha!
- Avion di American Airlines cu a bati alarma prome, a baha bek sano y salvo na Aruba
- Gobierno a anuncia multa y sancion si viola prijs di producto den canasta basico
- Debe di gobierno na banconan a baha considerablemente caba den 2026
- Awe gana 150 mil florin cu Roll Down di Lotto di Dia
Exportacion di Venezuela pa Aruba a surpasa esnan di Curacao
LA VELA - For di e waf artesanal di La Vela de Coro (municipio di Colina) den e estado di Falcón, alrededor di 340 ton di producto a wordo manda pa Aruba y Curacao na januari, segun declaracionnan suministra pa e vice presidente di Camara di Comercio y Turismo di e municipio, Juan Gotopo .
El a splica cu 76.47% di e exportacion, ekivalente na 260 ton, tabata destina pa e isla di Aruba, mientras cu e restante 23,53%, ekivalente na 80 ton, tabata destina pa Curacao.
Di mesun manera, el a señala cu tabatin un aumento di 277.77% compara cu januari 2024, ora cu solamente 90 ton a wordo exporta.
Na december, exportacion tambe a aumenta, alcansando 320 ton, un aumento notabel compara cu 135 ton na 2023.
El a bisa cu actividad comercial ta mustra un tendencia di subida cuminsando na november 2024, despues di un bahada cu a cuminsa na augustus di e mesun aña y a dura te cu october.
Desde apertura di e frontera marítimo na mei 2023, a observa peaknan den exportacion, specialmente na september y october 2023, cu 590 y 555 ton respectivamente, y na augustus 2024 cu 545 ton.
Un hecho inusual ta cu comercio cu Aruba a haya un importancia mas grandi cu Curacao, loke ta genera expectativanan mirando cu historicamente e relacion productivo antes tabata al contrario.
Evidencia di esaki ta cu for di mei 2023 te cu januari 2025, 4.902 ton a wordo exporta pa e isla di Curaçao, representando 76.93%, compara cu e 1.470 ton cu a sali pa Aruba, cu ta traduci den 23.06%.
Di e 21 lunanan desde e reactivacion di comercio cu Caribe Hulandes, Aruba solamente a cuminsa recupera na september di aña pasa.
Awe gana 150 mil florin cu Roll Down di Lotto di Dia
Balor di reserva di oro di Aruba casi a duplica pa motibo di subida di prijs di oro
ORANJESTAD – E balor di reserva di oro di Centrale Bank di Aruba a subi fuertemente den poco tempo. Esaki ta sali na cla for di e estadisticanan mas reciente di e banco central, unda balor di oro den reserva stranhero a subi di 520 miyon florin na 2024, pa 858 miyon florin na 2025 y casi 992 miyon florin na januari di e aña aki.
AFTA: Den 2026 lo controla e.o industria di auto y transporte di container
ORANJESTAD - Aruba Fair Trade Authority (AFTA) a presenta su agenda pa 2026. E aña aki ta marca e comienso di supervision riba proteccion di consumidor cual AFTA ta encarga cu ne. Riba 15 di maart, Dia Mundial di Consumidor, e ley nobo di supervision ta drenta na vigor. For di e fecha aki AFTA lo actua ora derechonan collectivo di consumidornan ta wordo viola. Riba 14 di maart AFTA ta organisa un Car Rally unda participantenan ta wordo encurasha di un forma competitivo y dibertido pa siña mas tocante nan derechonan como consumidor.
KLM ainda lo sigui bula cu Airbus riba Aruba pa awor
ORANJESTAD – KLM pa awor ainda no ta bay cambia su flota riba e ruta pa Aruba. Noticianan cu a circula den medio local na Aruba y Corsou no ta correcto segun gerente regional di KLM, Dirk Buitelaar.
Prijs di gasoline ta subi considerablemente diaranson
ORANJESTAD - Minister di Finansa, Asunto Economico y Sector Primario ta anuncia e prijsnan nobo di benta di combustibel entrante 11 di maart 2026:
CBA: Arubianonan riba 45 aña ta mas vulnerable pa fraude digital
ORANJESTAD – Fraude cu pago digital ainda ta sosode relativamente poco na Aruba, pero ora cu e pasa, hopi biaha e ta afecta principalmente hende di edad mas halto y consumidornan di edad medio. Ademas, un parti considerable di victiman no ta haya nan placa bek for di banco. Esaki ta sali na cla for di un reporte nobo di Banco Central di Aruba (CBA) di engaño y fraude den pago digital. E investigacion ta basa riba un encuesta di 2024 di experencia di consumidornan cu fraude den pago digital. For di e resultado ta mustra cu casi 88 porciento di e participantenan den e ultimo diesdos luna no a experencia fraude, mientras cu poco mas cu diesdos porciento si a haya cu un intento of un incidente real di fraude. Cu esey, e dimension di fraude digital na Aruba pa awor ta relativamente limita, aunke banco central ta adverti cu digitalisacion di pago tambe ta trece riesgo nobo.
Follow NoticiaCla
