Corsou a registra su di tres morto den trafico den menos cu 2 siman

WILLEMSTAD - Kòrsou lamentablemente ta konosé e di 3 morto den nos tráfiko insigur den ménos ku dos siman di tempu.  E di tres morto ta relashoná ku un aksidente ku a tuma lugá djasabra 1 di februari. Riba e dia ei alrededor di mitar di 8 di anochi, sentral di polis mester a dirigí un unidat pa Sta. Rosaweg pa un aksidente di tráfiko entre dos vehíkulo.

Na yegada di e unidat, e agentenan a tuma nota di un aksidente frontal entre e vehíkulonan i tabatin un dama ku no tabata reakshonando, miéntras ku un otro víktima tabata sangra na kara i tabata keha di dolónan interno.

 Mirando e situashon, den un forma inmediato ambulans a presentá i a transportá e víktimanan pa sala di Emergensia di C.M.C.

Den oranan di mas lat anochi a drenta e tristu notisia ku un di e víktimanan ku a resultá di ta

Mery Maria Cathalina De La Peña, nasé na Colombia dia 8 di mart 1979, a pèrdè su bida a konsekuensia di e múltiple leshonnan ku el a risibí durante e aksidente.   E ta bira e di tres morto den tráfiko pa 2025.

Manera un i tur ta kòrda ku djabièrnè último pues 31 di yanüari  un señora di 81 aña ta pèrdè su bida di un forma tristu, ora el a bai krusa kaya na altura di Goisco, i a keda alkansá pa un vehíkulo ku a mand’e laira, pa despues e kai riba su barika.  Despues di a keda transportá pa sala di emergensia di CMC, médikonan  a hasi tur esfuerso pa skapa e víktima, pero debí na vários leshon e señora no a sobrebibí. E  siman promé dia 21 di yanüari Kòrsou a konosé e promé morto den tráfiko. Den e kaso aki ta trata di e víktima un hende muhé  tambe di 77 aña ku a pèrdè su bida na  e krusada Frater Radulphusweg / Nijlweg, ora ku un shofùr ku tabata biniendo for di Palu Blanku, ta pasa den lus kòrá i okashoná e aksidente ku konsekuensia fatal den e kaso aki. Tur e 3 víktimanan  ta hende muhé  di 77, 81 i 46 aña. Pues 3 morto den tráfiko den ménos ku 2 siman aki na Kòrsou. Esaki sigur ta algu di lamentá i p’esei ta hasi yamada na tur outomobilista pa kore trankil riba nos kareteranan, baha velosidat, respetá lusnan di tráfiko i duna preferensia. Tur esakinan ta yuda pa Kòrsou su tráfiko bira sigur i evitá tristesa den komunidat.NOTA: Texto ta scirbi den Papiamento fonetico di Corsou.