Belgica tin gobierno nobo, De Wever a huramenta como Prome Minister

Posted on 02/3/2025 9:15 am AST | Updated on 02/3/2025 9:15 am AST

BRUSELAS - Bart De Wever (54) ta Prome Minister nobo di Belgica. E nacionalista Vlaams a huramenta awe mainta, hunto cu e otro miembronan di e gabinete nobo, pa e Rey Belga Philippe. E weekend aki, e miembronan di e cinco partidonan di gobierno a bay di acuerdo pa participa den e gobierno. Ademas di e nacionalista flamenco N-VA di De Wever, esaki ta inclui e Vooruit social-democrata, e partido liberal di habla frances MR y e partidonan cristian-democrata CD&V (Vlaanderen) y Les Engagés (Walonia).

Cada un di e cinco partidonan ta percura pa un vice-prome minister. Ta impresionante cu ni un hende muhe no ta wordo nombra como vice-prome minister. Den gobierno, hende muhe ta den minoria: cuater di e dies cinco ministernan ta hende muhe.

  • Powered by SETAR