- Gabinete AVP-Futuro: 100 Dia di liderazgo hunto, compromiso y progreso
- Gobierno ta anuncia aumento pa e.o. subsidio escolar
- AHATA: Alohamento na ‘AirBnB’ a crece y no na hotel
- Aruba Marriott Resort & Stellaris Casino ta nombra Arubiano como gerente nobo
- ATIA: Blackout ta costa comercio di Aruba miyones!!
Joran Van Der Sloot ta confesa atrobe, y ta publica buki riba su bida den prizon
LIMA - Joran van der Sloot, infamoso pa su envolvimento den e caso di alto profil di Natalee Holloway, ta bek den titularnan cu confesionnan nobo spantoso presenta den su proximo buki, titula ‘De eigen waarheid van vrouwenmoordenaar Joran van der Sloot’, cu ta bai sali riba 3 di februari 2025. E revelacionnan aki ta bini di prizon, caminda e ta keda enkarselá te 2045 pa multiple crímen incluyendo asesinato. Esaki no ta su prome buki si.. E la saca uno exclusivamente riba e caso Holloway caba.
Despues di a yega na un acuerdo cu autoridadnan mericano, van der Sloot a regresa na su cel na Peru, caminda e ta sintando su castigo. Segun informe, e acuerdo aki por a ofres’e cierto indulgensia of a facilita su discusionnan cu medionan di comunicasion y publicadonan tocante e detayenan di su pasado. Su confesionnan, yen di descripcion di actonan criminal, ta duna un bista friu y sin duda lo lanta interes publico y controversia.
Hopi ta keda skeptico tocante e tempo di lansamento di e buki aki, cuestionando si e ta sirbi como un otro trampa pa notoriedad of ganashi financiero for di su historia scur.Criticonan ta pleita riba e etica di permití un hende manera van der Sloot probecha di su transgresionnan di pasado, cu ta sigui persigui e famianan di e víctimanan. Combersacionnan rond di e impacto di e confesionnan ey, hopi biaha ta pivota na e efekto cu nan tin riba e famianan di su víctimanan—cu incontabel individuo cu ainda ta luchando cu perdida i trauma. NOTA.: E potret ta di archivo, solamente pa ilustracion y no ta di e buki mas nobo.
Por lo menos 80 morto na Texas debi na inundacion catastrofico na Texas
SAN ANTONIO - Por lo menos 80 persona ta morto despues cu yobida pisa a conduci na inundacionnan “catastrofico” na Texas. Por lo ménos 41 persona tabata pèrdí den henter e estado te cu diadumingo atardi laat, ofisialnan a bisa. Kerr County a wordo afecta mas duro, cu 68 morto, incluyendo 28 mucha. Presidente Donald Trump a firma un declaracion di calamidad pa e condado y e Agensia Federal di Maneho di Emergensia ta riba e tereno einan.
Elon Musk kier lanta partido politico nobo na Merca y enfoca riba e asientonan di Congreso prome
WASHINGTON -Elon Musk kier haña influencia den congreso prome cu su Partido America cu ainda no a wordo establese. E no kier enfoca riba Cas Blanco por lo pronto, e ta bisa den un X-update modesto tocante su plannan.
Avion ta hasi aterisahe di emergencia despues cu pasahero a orina den pasiyo di avion
BIRMINGHAM – Un avion di easyJet cu a sali for di Birmingham pa Tenerife diarason a hasi un aterisahe di emergencia despues cu un pasahero segun informe a orina den e pasiyo, The Mirror ta informá. Caos a surgi abordo di e vuelo pa Tenerife. Despues cu un pasahero a orina den e pasiyo, segun informe miembronan di tripulacion a roga control di trafico aereo pa permiti nan haci un aterisahe di emergencia. Tambe nan a pidi asistencia medico y agentenan policial pa escolta e pasahero for di e avion.
Hungado di Liverpool Diogo Jota (28) ta fayece den accidente di tráfiko na Spaña
ZAMORA - E delantero di Liverpool, Diogo Jota, a fayece den un accidente di trafico den e provincia Spaño di Zamora. E hungador portugues di 28 aña y su ruman homber André Silva, un futbolista profesional di e club di segunda division Penafiel, a baha for di caminda y nan auto a pega candela.
Artista Sean ‘Diddy’ Combs absolve di mayoria cargonan contra dje
NEW YORK – Artista Sean Diddy Combs diaranson a keda absolve di mayoria cargonan contra dje den corte, y keda sentencia 'solamente' pa cargo di prostitucion. Esaki ta inclui violacion sexual contra su propio ex pareha. Noticia den proceso.
Arubiano ta ricibi Premio Emmy na Los Angeles pa documentario deportivo
LOS ANGELES – Den fin di siman, Noticiacla a ricibi confirmacion cu un arubiano a ricibi e premio cotiza di mundo di cinematografia, esta e galardon Emmy. Den e caso aki ta e conocido arubiano Jo Henriquez, a ricibi e premio pa e categoria deportivo pa 2024-2025 Sports Emmy Award. Ta trata pa e documentario Mountain Queen, The Summits of lhakpa Sherpa di Netflix, pa cual e la ricibi e premio ‘ Documental Largo Sobresaliente, como productor ehecutivo. Henriquez, yiu di e conocido comerciante y personalidad Landa y Raoul Henriquez (dfm). Henriquez no ta un desconoci riba e tereno di cinematografia, y algun aña atras, tabata invitado di e programAa Noticiacla LIVE, unda cu a haci un entrevista cu ne for di Los Angeles, California riba su bida. Henriquez algun aña atras, tabata na Aruba pa estreno di un pelicula cu protagonista, Maria Conchita Alonso tambe.l
Follow NoticiaCla
