KPA: Polis a detene tres persona, confisca hopi marihuana y cocaina na dos cas

ORANJESTAD – E siman aki departamento di polis Unit Narcotica a haci un otro entrada hudicial na unda a haci varios detencion y a confisca basta droga. 

Dialuna  Unit Narcotica a pasa Bernadetastraat y a detene dos persona. E homber di inicial A.M.B.Q.  di 46 aña naci na Aruba y e muher di inicialnan Y.M.D. di 35 aña naci na Aruba. 

Na mes momento a pasa na un cas na Shiribana. Na ambos adres a confisca cocaina y marihuana. Tur dos sospechoso a wordo deteni enconexion cu benta di droga. 

Diamars tambe Unit Narcotica a pasa na un cas na Kudawecha y a detene e homber di inicialnan M.L.S. di 86 aña naci na Merca. A detene e dicho persona aki enconexion cu importacion y bendemento di droga. A confisca un cantidad di marihuana na dicho adres. 

Den e accion a participa diferente departamento di Cuerpo Policial. Entre otro K-9, Flex Team , Team di Aresto, CEA y Ministerio Publico. 

Mester menciona cu Unit Narcotica ta activo y lo keda activo trahando duro contra benta di droga pa tin un Aruba mas sigur pa nos comunidad y bishitantenan. Por spera mas accion y mas entrada hudicial!

Cuerpo Policial Aruba un biaha ta haci un apelacion na es cu sa algo of a wak algo pa yama e tiplijn di polis cu ta 11141. Bo ta keda anonimo.