Si bo ta bay Hulanda, tene cuenta cu tin epidemia oficial di griep

AMSTERDAM - E cantidad di hende na Hulanda cu ta sufri di griep te ainda ta aumenta rapidamente. E cantidad di melding a aumenta significantemente, specialmente den e siman cu a pasa. For di awe, asta tabatin un epidemia di griep oficial, segun instituto di investigacion Nivel ta informa.

Un epidemia oficial di griep ta sosode solamente si por lo menos 53 di cada 100.000 hende ta informa sintomanan di griep na nan dokter di cas pa dos siman consecutivo. Siman pasa, 76 di 100.000 hende a haci esei. E siman prome, e tabata 58 pa cada 100.000 hende.

Esaki ta marca oficialmente e comienso di e epidemia anual di griep. Aña pasa tambe tabatin un epidemia di griep for di fin di januari. Esey a dura te fin di maart.