- Wever: Automobilistanan lo ricibi nan plachinan di number den e proximo dianan
- Hall of Famer Andruw Jones a bishita minister Eman y Croes na Aruba
- Encuesta di Noticiacla riba percepcion di Aruba su carnaval
- ANALISIS: Dia di San Valentino: Amor berdadero of un trampa comercial?
- Polis a detene apenas 2 persona durante parada di luz na San Nicolas
Adkins: Soul Beach ta sigui na St Maarten. A firma caba y e ta sigui
PHILIPSBURG -Mientras cu ta berdad cu mester haci “un estudio mas cla” dicon e Soul Beach Music Festival no ta na Aruba mas, segun Minister di Finanzas Marinka Gumbs, e realidad ta cu e concierto ta sigura caba pa tuma lugar. Asina e promotor principal Mark Adkins a confirma dialuna mainta for di St Maarten na Noticiacla. Adkins a confirma cu e contracto a keda firma caba y tambe pagonan ta haci. Pero berdad, e mandatario di finanza kier sa tambe pakico Aruba a para e festival. Loke tambe ta bezig ta e analisis di e parti franses di e isla, cu ta deliberando ainda si nan tambe ta participa den e deal, manera cu inicialmente tabata e caso.
INFORMACION NO COMPLETO
Tabata un declaracion cu e minister di finanza di e isla a haci siman pasa durante un conferencia di prensa, cu a crea un confunsion inicial. E la bisa periodistanan durante e rueda di prensa bibo di Conseho di Minister siman pasa, segun e portal St Maarten Daily Herald cu ta nesesario pa asina St. Maarten por determina kico ta miho pa e pais bai dilanti. Pero, segun Adkins, no ta asina si, cu esaki kier men cu e festival ta den duda. “A firma, a paga y promocionan ta coriendo caba pa cu e festival” Adkins a sigura e portal aki dialuna mainta.
TRECE E FESTIVAL BEK
Bek pa e declaracion di e mandatario di Finanzas, e minister di TEATT [Turismo, Asuntunan Economico, Transporte y Telecomunicacion] a mira cu ta apropia pa kier trece un iniciativa asina bek na e pais y mi ta di acuerdo cu kier trece Soul Beach bek, pasobra el a cuminsa aki 29 aña pasa. Esaki ta bai ta nan di 30 aña, treciendo esaki bek kas,” Gumbs a bisa e portal na St Maarten.
BENEFICIO
“Nos a mira e beneficionan di dje na Aruba. Mi ta kere cu mester haci un estudio mas cla pakico e no ta na Aruba mas, sinembargo. Mi ta kere cu esei mester sosode pasobra nos mester compronde si algu ta funciona pa bo, dicon no sigui cune, pa nos sa bai dilanti kiko ta miho pa St. Maarten caminda Soul Beach ta trata.” E mandatario a bisa tambe. St. Maarten lo a invertí un montante di US $700,000 pa organisa e Soul Beach Music Festival, cu lo ta biniendo bek na St. Maarten, caminda el a cuminsa den Caribe como e Sinbad Soul Music Festival na 1995. E pais por potencialmente recohe un rendimento di US $30 miyon riba su inversion. E festival di musica cu ta tuma luga normalmente durante e fin di siman di Memorial Day, despues di esei a bira un característica anual di e ofertanan turístico di Aruba pa casi un cuart di siglo.
E minister a bisa miembronan di Parlamento cu e parti hulandes lo ta contribuyendo un montante di US $700,000 pa ta anfitrion di e Soul Beach Music Festival. E evento originalmente tabata destina pa ta un esfuerso conhunto entre e partinan franses i hulandes di e isla cu un presupuesto combina di US $1.4 miyon, sinembargo, debí na limitacionnan presupuestario, e gobierno franses di St. Martin no por a partisipa den e financiamento colaborativo. French St. Martin tabata negocia ainda cu e coordinado di e evento y nan por a participa ainda.
Mas pasaheronan i buelo na aeropuerto Sint Maarten den 2025
PHILLIPSBURG - Princess Juliana International Airport riba Sint Maarten a procesa mas pasaheronan den 2025 cu un aña prome. Segun e aeropuerto, e cantidad di biaheronan a subi di 1,6 miyon den 2024 pa 1,8 miyon den 2025. Cu esey, e recuperacion di e aeropuerto ta sigui avansa, despues di e fuerte caida den añanan anterior.
Aeropuertonan cubano ta menasa di keda sin kerosin den 24 ora
HAVANA - Trafico di avion for y pa Cuba ta den peligro serio di wordo perturba, awor cu stock di kerosin den e pais ta den caba. Gobierno a adverti companianan di aviacion cu dialuna proximo lo ta e ultimo dia cu lo tin ainda combustible disponibel na aeropuertonan Cubano. Te poco tempo pasa, Cuba tabata ricibi petroleo for di Venezuela, pero Merca ta blokia exportacion di petroleo awor. Presidente Donald Trump ta mira Cuba como un amenaza pa seguridad di Merca. For di Europa, entre otro, Air Europa, Iberia, Neos y Turkish Airlines ta mantene conexion di buelo cu Cuba. Actualmente no tin buelo for y pa Hulanda: KLM y TUI fly a stop cu ofreser buelonanan pa e pais durante e ultimo añanan. Un representante di Air Europa a laga sa cu e buelonanan entre Madrid y Havana lo sigui provisionalmente. Durante e biahe, avionnan ta tuma combustible na Santo Domingo na Republica Dominicana.
Negoshinan na Bonaire awor por usa internet di Starlink di Elon Musk
KRALENDIJK - For di awe, Successfully ta ofrece servicionan di internet Starlink pa negoshinan na Bonaire. Danki na e permiso reciente pa servicionan Starlink den Caribe Hulandes, duna door di Rijksinspectie Digitale Infrastructuur (RDI), negoshinan por awor usa e solucion potente di internet satelital di Starlink. E technologia aki ta ofrece un conexion stabyl y rapido, tambe na lugarnan unda solucionnan tradicional di internet ta limita of no ta disponibel.
Relaciona cu caso di sarampi na Bonaire, ta investigando su exposicion na Aruba
ORANJESTAD – Na Bonaire a confirma riba 1 di februari un caso importa di sarampi. Esaki ta wordo informa door di Directie di Salud Publico Aruba. For di investigacion epidemiologico ta resulta cu e persona infecta a transita via Aruba entre 28 y 29 di januari, ora cu e ya tabata mustra sintomanan di sarampi. E persona a biaha for di su pais di origen via Aruba pa Bonaire. Segun Directie di Salud Publico, durante e periodo ey por a tin un exposicion corto y posible na virus di sarampi na Aruba. Te awor no a wordo registra ningun infeccion local riba e isla. E directie ta adverti cu e cantidad di casonan di sarampi na mundo ta crece y cu na varios pais a wordo reporta brotenan. Pesei nan ta yama e poblacion pa keda alerta, cu atencion extra pa hende cu ta traha den sector turistico, manera hotelnan, restaurantnan, aeropuertonan y transporte publico.
GGD ta bati alarma pa contaminacion di sarampi di un bishitante cu a yega Boneiro for di Aruba
KRALENDIJK - Un bishitante cu a yega Boneiro riba diasabra pa medio di un barco di carga for di Aruba, a resulta di tin sarampi. GGD Boneiro y Fundashon Mariadal a tuma medida inmediato pa preveni e contagio di e malesa. Esaki a wordo informa pa e gobierno di Boneiro. Segun e gobierno, e contaminacion a wordo contrahe for di e isla y e paciente a wordo hiba hospital immediatamente despues di yega. “GGD ta investiga ainda ken lo por a tin contacto cu e paciente y ta aconseha hende cu un riesgo aumenta,” asina e gobierno a declara. “Si ta necesario, lo ofrece un tratamientu preventivo.” E riesgo pa habitantenan segun e gobierno ta chikito pa e momento. Solamente personanan cu ta tin contacto directo cu e paciente lo wordo sigui; otro habitantenan no mester tuma ningun medida. NOTA: E potret ta uno crea, como simpel ilustracion y no ta refleha ningun persona real.
Na Boneiro, partidonan politico ta purba pa lapi un gobierno nobo hunto
KRALENDIJK – Despues cu Noticiacla a raporta diamars anochi cu gobierno di Boneiro a cay, ta mustra cu tin intencion pa ‘lapi’ un gobierno hunto atrobe. Tabata diamars anochi cu miembro di Conseho Insular, Salma Serberie a entrega carta di retiro na Gezaghebber John Soliano. Cu esaki el a anuncia di no ta sostene e coalishon aki mas. E caida di Gobierno no ta un sorpresa. Ya pa basta luna tin friccion den coalicion. Noticiacla a compronde cu ta actitud di lider die partido Democrat, lo ta e causa principal di e friccion. Asina un medio di Corsou (Boneriano) ta raporta.
Follow NoticiaCla
