Hobencita haya morto na su cas

ORANJESTAD - Diabierna, e dia cu vakantie a cuminsa pa nos muchanan, ta drenta e tristo noticia cu un hobencita di apenas 14 anja ta wordo haya morto den un apartamento den Potreroweg. Esaki a sucede algo prome cu 7'or di anochi, na momento cu nan a topa cu e hobencita cu no tabata dunando senjal di bida. Mesora a manda dos unidad di ambulance cu hopi urgencia na e sitio, pero e ayudo di personal di ambulance tabata envano, paso e hobencita ya a fayece. Varios unidad di polis tambe tabata na e sitio. Tambe a pidi pa presencia di recherché pa motibo cu no tabata sa na e momento ey , e causa di su morto. E famia tabata histerico y inconsolabel. E perdida tabata demasiado duro pa e famia cu polisnan na e sitio a pidi ayudo di slachtofferhulp pa atende cu e famia. Dr. Lin a constata morto. Aki rato lo haya e informacion official. Noticiacla.com ta manda palabra di forza pa famianan di e fayecida.