Colombia ta acepta buelonan di deportacion atrob, sancionnan di Merca for di mesa

BOGOTA -  Lo no tin invoerrechten halto di Merca pa Colombia al fin i al cabo pasobra ambos pais a yega na un acuerdo riba buelonan di deportacion. Cas Blanco (di Merca) ta bisa cu Colombia a bay di acuerdo incondicionalmente cu tur e condicionnan di Merca. Colombia no a confirma esaki, pero e pais si ta bisa cu e impasse a wordo kibra.

E disputa a surgi ayera pasobra Colombia no a permiti avionnan militar cu ta transporta migrantenan Mericano baha riba su teritorio. Dos vuelo di deportacion a wordo nenga pasobra presidente Colombiano Petro a sinti cu su paisanonan tabata wordo trata como criminal dor di manda nan bek den avionnan militar.