Zr.Ms. Groningen ta e barco nobo pa proteha nos den region Caribe

WILLEMSTAD / ORANJESTAD  - Zr.Ms. Groningen a tuma e tarea como e barco staciona den Region Caribe ofer di Zr.Ms. Holland. E barco patruyero awe mainta a mara na Bahia di Santa Ana na Willemstad.  E lunanan benidero e barco lo ta activo den operacionnan anti-droga; banda di esei tambe e lo para cla pa wordo desplegasuministrando yudansa di emergencia.

Marina Real tin 4 barco patruyero di e asina yama categoria ‘Holland-klasse’. E  OPV nan aki (barcunan Patruyero cu ta subi oceano) ta embarcacionnan cu despliegue flexibel pa vigilancia di awanan costero. E barco staciona ta traha riba awanan internacional, conhunto cu Wardacosta Mericano, y cerca di costa cu Wardacosta Region Caribe.  E NH90, helicopter di combate maritimo, a bolbe sali na bordo di e barco, pa sostene e barco den operacionnan for di laira.

Zr.Ms. Holland a yega su haf di origen cu ta Den Helder, na final di december. E delaster lunanan e barco a intercepta un total di por lo menos 9000 kilo di cocaina den Region Caribe.

Cu e presencia di un barco stasciona den region, Defensa ta contribui na paz yseguridad den Region Caribe.