Hulanda ta den gara di epidemia di griep

AMSTERDAM – Tosamento, nanishi ta core y keintura: e virus di griep ta prevalente atrobe. Y nan ta nota esaki den e hospitalnan, unda mas y mas pashent ta wordo interna. Pero tambe, por ehempel, na scolnan, unda ta un puzzel pa completa e orario. Expertonan ta boga pa mas informashon público.

Den algun hospital, cuido plania ta wordo reduci of ta wordo considera, segun e Asosiashon Hulandes di Dokternan di Emergencia. “Nos ta ripara cu e ta druk,” presidente Yara Basta ta bisa. Varios tipo di tratamento ta wordo posponi.

“Esaki ta conserní hendenan cu ta ricibí intervencionnan cu no ta salba bida, manera un rudia nobo. Pero tambe considera intervencionnan cu ta rekerí un estadia den ICU despues.” No ta posibel pa bisa exactamente cuanto pashent a wordo cancela.