Premier Pisas ta ‘jaloers’ cu Aruba a sali e isla mas safe di Caribe

WILLEMSTAD – Prome minister di Corsou Gilmar ‘Pik’ Pisas no tabata mucho ‘contento’ cu e noticia di awe cu Aruba ta e isla mas safe den Caribe. E la bisa esaki den un entrevista cu Rick Hart di Nu.CW despues cu e la entrega e lista di partido MFK diahuebs merdia na Corsou. Awe tabata dia di entrega lista unda cu no menos cu 14 partido politico mester a entrega nan lista politico pa e eleccion di Staten di 21 di maart proximo. Ta na e occasion aki cu Pisas a haci e declaracion aki. E ta molosti’e cu Corsou no ta number 1, y a priminti cu esaki lo cambia proximamente. Corsou a sali number 6 riba e lista, mientras cu Aruba ta number 1.