Senador di Argentina a biaha pa Aruba di vacacion lagando congreso pega y sin quorum

BUENOS AIRES - Gobierno di Argentina (congreso) tabata buscando desesperadamente un di su senadornan pa sesionnan extraordinario, pero nan a bin compronde cu e persona a dicidi di laga cay y bin Aruba cu vacacion. Esaki siendo cu a pone como medida cu tur senador ta tuma nan vacacion den e pais mes, como forma di austeridad. Esaki ta pone cu pa su ausencia, tin cosnan cu no por continua pa falta di sosten.

BANDONA BLOKE  

Ta ser bisa cu e nativo di Cordoba, den e caso aki Luis Juez a sali pa Caribe (Aruba) despues di a anuncia cu e lo bandona e bloke PRO. Nan ta buscando senadornan aliado pa bishita Senado diarason awor. E probabilidad di e conclave ta depende di e cantidad di senadornan cu ta garantisa nan presencia pasobra, te unda  tabata sa, Juez tabata “indisponibel” y algun di su pareunan tabata resisti e yamada.

SIN LIDER

Huez a laga e bloke PRO sin lider y a bay cu vakantie na un hotel luhoso den Caribe (Aruba), ignorando e instruccionnan di Javier Milei pa mandatarionan y legisladornan tuma nan vakantie dentro di e pais como muestra di austeridad. Fuentenan di Cordoba a bisa LPO cu e nativo di Cordoba a sali pa Aruba dia 14 di januari, dos dia despues di a anuncia su rechaso di gobierno di Macri, y lo keda te dia 25.