Na Corsou, atrobe Corte ta rechasa suspension di detencion di lider di partido KEM

WILLEMSTAD - Pa di dos biaha, e petishon pa pone e lider polítiko di partido KEM Michelangelo “Lo” Martines den libertat, a keda rechasá dor di Korte. Esaki a sosodé ayera. Korte di Promé Instansia a rechasá e petishon di anulashon di e aresto preventivo i e petishon pa suspendé e aresto preventivo di e eks parlamentario Martines. E desishon aki ta suprayá e seriedat di e sospechonan i e nesesidat pa kontinuashon di e aresto preventivo.Djabièrnè un biaha mas Martines a bai korte pa por suspendé su detenshon.

Dia 5 di novèmber aña 2024, e parlamentario Martines a keda detené riba sospecho di trafikamentu di droga i labamentu di plaka den e periodo di 2019, 2020 i 2023. E kaso akí ta hiba e nòmber di investigashon penal “BLEDA”. Dia 26 di novèmber aña 2024 wes komisario a demandá i a ordená enkarselashon pa Martines ku 60 dia. Dia 3 di desèmber aña 2024, Martines a apelá e 60 dia di enkarselashon i a pidi pa suspenshon di su detenshon. Dia 6 di desèmber e petishon a keda rechasá. Djabièrnè 17 di yanüari un biaha mas Martines a akudí na korte pa por rekobrá su libertat pendiente tratamentu di su kaso. Ayera korte a rechasá e petishon. Mirando e kantidat di dianan ku Martines tin será, ku tur probabilidat den luna di febrüari e lo mester presentá dilanti mesa bèrdè. Esaki tin di sosodé despues di 3 luna ku e sospechoso ta detené. E partido di Martines, KEM tambe ta bai entregá lista e siman akí, djaweps. NOTA: Texto ta scirbi den Papiamento fonetico di Corsou.