- Claudia Arevalo-Del Castillo ta Celebra 5 Aña den Servicio cu Botica di Servicio
- Barco crucero ta raporta brote di malesa despues di bandona Aruba
- Aruba a keda for di Comite di Conmemoracion Pasado di Esclavitud, como protesta
- Prijs di gasoline, diesel y kerosin ta bolbe aumenta diaranson awor !
- Hoo: No ta prome biaha cu biahero cu a wordo nenga entrada na Aruba, ta critica esaki
CBCS ta teme cu medidanan contra Venezuela lo afecta Corsou
WILLEMSTAD - Banko Sentral di Kòrsou i St. Maarten (CBCS) ta teme ku medidanan internashonal, prinsipalmente for di Merka, ku lo bai tin kontra Venezuela lo tin impakto riba nos aki na Kòrsou. Asina e miembro di gerensia di CBCS, sr. Chris Rigaud, a trese dilanti ayera na okashon di un mini seminario organisá pa e Asosiashon di Ekonomistanan den Karibe Hulandes. Segun sr. Rigaud den su presentashon saká for di e ‘Outlook’ di e instituto ku bista riba perspektivanan, ta importante pa nos sa kiko ta sosodiendo rondó di nos, tantu na nivel regional komo esun global.
Por bisa den términonan general ku e kresementu global ta stabil i den esaki e ekonomianan di Merka i Asia ta esnan ku mas influensia mundialmente. Den Europa si por konstatá sierto debilidat den algun pais, prinsipalmente den e sektor di manufaktura. Kresementu global a bai di 3.3% den aña 2023 i aktualmente e ta pará na 3.2%. Pero miéntras e influensianan di pandemia ta sigui kita, e lo tin influensia positivo riba ekonomianan ku ta den progreso.
E relashonnan komersial ku Merka, Hulanda pero tambe ku Latino-Amerika i den region lo keda robusto. Entretantu inflashon global a kai konsiderablemente kompará ku e sifranan haltu ku nos a mira último añanan despues dje pandemia. Aktualmente por bisa ku inflashon ta deselerando. Ta ser proyektá ku inflashon global lo bai para na 4.3% den aña 2025, miéntras ku esun di Merka probablemente lo bai keda den kareda di 2%. Pero pa enfrentá e nivel akí di inflashon kompará ku loke nos a konosé durante e añanan di pandemia, bankonan sentral a bin ta adaptá nan maneho.
Segun sr. Rigaud, tin hopi pais ku ta kouteloso ainda, sigur despues di resultadonan di elekshon na Merka ku Donald Trump saliendo viktorioso i tambe e resultado na Venezuela, unda Nicolas Maduro a bira e hefe di estado atrobe. Loke CBCS ta teme ta e sanshonnan ku lo bini riba Venezuela despues di e dos akontesimentunan akí. Medidanan lo por kousa disturbionan sosial i e situashon ei lo por tin efektonan spesífiko pa Kòrsou teniendo kuenta ku nos ta ubiká hopi serka di Venezuela.
No mester balotá tampoko e tenshonnan ku tin te ainda den Medio Oriente. Ta situashonnan ku lo por subi inflashon globalmente i influensiá proyektonan di konstrukshon ku lo por tin riba nos isla. NOTA: Texto ta scirbi den Papiamento fonetico di Corsou.
Na Corsou a asesina hoben di 20 aña den su auto
WILLEMSTAD - Den korto tempu, Kòrsou ta konosé su di dos kaso di asesinato. Esaki a tuma lugá ayera tra’i mèrdia na Kaya Ser’i Popchi na Sun Valley. Un hóben di 20 aña a keda tirá i matá den su outo dilanti di porta di garashi di kas. Den kareda di 14.30, sentral di polis a risibí informashon di un kaso di tiramentu ku a tuma lugá den Kaya Ser’í Popchi. Mesora unidat polisial a bai na e sitio i nan a yega topa ku un hòmber sintá den un vehíkulo ku diferente perforashon di bala na su kurpa i no tabata duna señal di bida.
Dos ex director di Banco Central di Corsou y St Maarten ordena pa paga placa bek!
WILLEMSTAD - Corte di Prome Instancia di Corsou a dicta sentencia awe den un caso den cua Banco Central di Corsou y Sint Maarten ta exigi (re)pago di dos di su ex directornan di varios montante cu nan a otorga na nan mes of na nan co-director. Esaki ta regarda reembolso di gastonan huridico, bonus bou di un schema di emergencia, un aumento den e bonus di fin di aña y similarnan. Ambos ex director ta wordo ordena pa paga. E veredictonan lo keda publica pronto via www.rechtspraak.nl
Jefdany Manuela a titula Reina di Tumba di Corsou 2025
WILLEMSTAD – Diasabra 3’or di marduga, despues di 15 aña Corsou a corona un Reina di Tumba atrobe. E biaha aki tabata Jefdany Manuela a conquista e titulo, cu su tumba ‘Nos bida ta un fiesta’. Potret Morgen Isenia.
Tur cantante di Aruba a pasa pa final di Festival di Tumba di Corsou
WILLEMSTAD – Tur dos cantante di Aruba, y un arubiano cu ta awor residencia na Corsou, a clasifica pa final di Festival di Tumba na Corsou pa diabierna anochi awor, 7 di februari 2025. Ta trata aki di Roderick ‘Rocco’ Franken cu su tumba ‘E molina inteligente’, Chendell Beaumont cu su tumba D’J Ariba, ambos cu e banda di Aruba, Buleria. Y e arubiano cu recientemente a muda pa Corsou, Jeanchrisjair ‘Buddylove’ Versprey cu su tumba CDK2070 cu e banda Icons. Tur tres a cualifica entre e 30 finalistanan cu ta presenta diabierna den Festival Center. Ta posibel pa un Arubiano gana e festival, pasobra no ta huzga e cantante sino e composicion. Y si e composicion zona y move e publico tambe, esey ta conta. Ademas e ganador mester permanece na Corsou pa e resto di temporada di Carnaval, cual ambos di Aruba a compromete cu ne caba, si nan resulta e ganador.
Apesar di awacero, Corsou a disfruta di prome anochi di Festival di Tumba
WILLEMSTAD. - Apesar di yobida di áwaseru, no a stroba ku e ambiente den festival Center. Despues di un retraso, e shou musikal di mas grandi di Kòrsou a kuminsá. Te na momentu ku Extra a bai print, mester bisa ku e promé tumbanan a zona realmente bon. Esaki ta indikashon ku kada grupo i kantante ta bon prepará sigur pa loke ta trata e promé dia. Aruba su representante Jerino Ridderstap no por a participa debi na un kebrante di salud inespera.
Corsou a registra su di tres morto den trafico den menos cu 2 siman
WILLEMSTAD - Kòrsou lamentablemente ta konosé e di 3 morto den nos tráfiko insigur den ménos ku dos siman di tempu. E di tres morto ta relashoná ku un aksidente ku a tuma lugá djasabra 1 di februari. Riba e dia ei alrededor di mitar di 8 di anochi, sentral di polis mester a dirigí un unidat pa Sta. Rosaweg pa un aksidente di tráfiko entre dos vehíkulo.
Follow NoticiaCla
