Contract y acuerdonan pa Green Corridor a keda firma!

ORANJESTAD – Gobierno a firma contract y acuerdonan pa cu construccion di Green Corridordiahuebs merdia, apenas un dia despeus cu e la haya ok di parlamento. “Nos ta contento cu nos a yega e momento aki cu a firma pa e proyecto aki por fin bira un realidad despues di 30 aña,” minister Benny Sevinger a duna di conoce cu gran orguyo. 

FIRMAMENTO

E firmamento ta marca e punto final na un proceso cu a cuminsa cuater aña pasa acudiendo na e diferente departamento y instancianan pa su debido consideracion, plan y diseño, legalisacion y ehecucion. A tene cuenta cu tur aspecto rond di e proyecto y e partidonan envolvi. Director di DOW, Ing. Marlon Croes a splica e motibo di tanto firma. “Tur e documentonan aki ta parti integral di e contract pa garantisa e banco y Pais Aruba como ‘opdrachtgever’ cu e contratista ta bay haci nan trabou segun palabra.”

COMIENSO FIN DI LUNA

Director di DOW a indica cu pa fin di e luna aki, no mas tarda cu comienso di augustus, e trabounan fisico riba e caminda ta bay cuminsa. Riba e punto aki mes, Minister Sevinger ya ta haci apelacion riba automobilistanan. “Pa dos aña y mey ta bay tin caminda lo tin cambio di ruta; nos ta pidi pasenshi na pueblo di Aruba paso na final ta bay tin un desaroyo cu tur hende lo ta orguyoso di dje.”