A haya curpa sin bida riba boto cu a sali for di Venezuela pa Aruba

CARACAS - Riba e atardi di diasabra 11 di januari, un grupo di piscador a haya un boto na drief ta emiti un holo fuerte riba e beachnan di Manzanillo, na Providencia Venezuela. E incidente aki ta recorda un caso similar cu a tuma luga dia 17 di januari 2023, ora cu a haña un curpa riba un boto cu a sali for di Venezuela rumbo pa Aruba. Segun informe actual, a haya un curpa descompuesto durante un inspeccion di e boto, loke a pone cu autoridadnan a intensifica nan buskeda pa e boto y aclarea e circunstancianan di e descubrimento tragico aki.

Coronel James Totena, comandante di Polis di San Andrés, a anuncia cu esfuersonan di buskeda a wordo inicia pa Marina Nacional y Polis Hudicial. “Tin hopi informacion, pero nada ta confirma; “Ya ta realisando verificacionnan,” Totena a bisa, enfatisando cu ta trata di hipotesisnan no confirma pa loke ta trata e identidad di e curpa y e circunstancianan di su morto. Autoridadnan ta sigui investiga e caso cu urgencia.

Testigunan, incluyendo Arelys Fonseca, un habitante di e isla, a informa cu un grupo di piscado, ora nan a nota e holó, a acerca e boto, cu tabata parse di ta grandi y pisa. Mirando e condicion di e boto, nan no por a touw esaki te na costa y a dicidi di avisa e autoridadnan maritimo pa nan por tuma encargo di e situacion.

Fonseca a bisa cu despues di e descubrimento, e piscadonan a purba di haña yudansa pa e boto yega tera. Pa 10:00 p.m., nan a perde pista di e boto, cu tabata drif ainda y por a dal den e rif di coral.