Putin y Zelensky positivo riba boluntad di Trump pa papia tocante guera na Ukrania

WASHINGTON - Como contesta riba e remarca di presidente elegi di Merca Donald Trump cu e ta preparando un reunion cu presidente Ruso Putin pa “termina” e guera na Ucrania, Kremlin a reacciona positivamente. Ta ser bisa cu presidente Zelensky tambe a indica cu e lo kier reuni cu Trump pronto.

Tanto Putin como Zelensky a responde positivamente riba e proposicion di Trump.

Segun Kyiv Independent, Kremlin ta yama bon bini na e combersacionnan di e presidente elegi Donald Trump, pero ta agrega cu e plannan pa un posibel reunion cara-cara lo wordo haci solamente despues di su inauguracion mas laat e luna aki.

Ucrania tambe ta spera di drenta den combersacionnan cu e presidente nobo inmediatamente despues cu Donald Trump huramenta, medionan Mericano ta informa. Di acuerdo cu e minister di Asuntunan Exterior Heorhii Tykhyi, lo ta importante pa Ukrania coopera cu MerCa. “P’esei nos ta preparando pa contactonan na e nivel di mas halto.”