Famia Mitch Henriquez ta refuta di ‘tene Hulanda responsabel’

DEN HAAG – Famia di Mitch Henriquez ta distancia su mes di cualkier persona cu ta indica aworaki cu famia a tuma pasonan huridico contra pais Hulanda. Esaki nan ta haci a base di noticianan cu a sali den prensa , -ta referi specificamente na e artiuclo di nrc handelsblad di 2 di juli-, (lesa e articulo aki) , cu tabata bisa lo contrario, y cu otro medionan incluyendo NoticiaCla.com tambe a usa. Aki e persona en cuestion, -Edwina Henriquez-, a haci declaracion di cu ‘ e ta papia na nomber di famia, y cu e mensahe ta cu lo demanda Hulanda pa tur loke e morto di Mitch a causa’. E mensahe aki awor, ta resulta di ta incorecto segun famia di Mitch Henriquez. (lesa e carta unda cu famia ta distancia nan mes aki)

SIN PERMISO

Pa loke ta e declaracion di e famia awe, nan ta mustra cu “Ademas famia no a duna ningun hende permiso pa haci declaracionan na nan nomber, riba nan punto di bista huridico”.

DISTANCIA

Henriquez mientrastanto (mesun fam pero no famia) a distancia su mes awe pa medio di un relato (lesa e relato aki) , di cualkier ayudo pa e famia. E ta sigura cu for di diadomingo e tabatin aprobacion di e mama di Mitch pa intermedia. Algo cu e lo no haci mas. Foto ANP/Arie Kievit