ATA: Varios factor a pone British Airways cancela ruta di Aruba

ORANJESTAD – “British Airways a tuma e decision dificil pa descontinua su servicionan pa Aruba segun e proximo temporada di zomer”, asina CEO di ATA Ronella Croes a confirma e noticia di noticiacla diaranson. E ultimo buelo lo wordo opera dia 30 di mart 2025.

E desicion aki no tabata uno facil, y varios factor a influencia e resultado aki. “Demanda a wordo genera, sinembargo converti demanda den reservacionnan real tabata un reto ya cu consumidornan ta compara Aruba cu otro - cu prijsnan mas abao - destinacionnan, tanto opcionnan di largo distancia (long haul) como distancia cortico (short haul)” Croes a sigui bisa.

Segun Croes, Aruba ta keda comprometi pa explora oportunidadnan den futuro den e mercado Europeo y di Reino Uni, y lo sigui traha riba otro aventuranan for di e mercadonan Europeo como tambe di LATAM. Esakinan ta entre otro e introduccion di GOL Airlines, e expancion di LATAM Airlines y tambe explora servicio nobo non-stop for di Europa.