Reino Uni ta introduci permiso di biahe, tambe pa Hulandesnan

Reino Uni ta introduci permiso di biahe, tambe pa Hulandesnan

Posted on 01/8/2025 10:31 am AST | Updated on 01/8/2025 10:32 am AST

LONDON - Reino Uni a cambia e reglanan pa biaheronan internashonal. For di awe, residentenan di casi cincuenta pais mester aplica pa un permit di biahe electronico, un ETA, pa por drenta e pais.

For di awe, e biaheronan cu ke biaha pa Inglatera, Escosia, Wales, Irlanda di Nort of e Islanan di Canal for di entre otro Merca, Canada, Israel, Australia i Brazil, mester registra online prome cu salida, asta si nan ta transferí solamente na teritorio britániko. Gobierno britanico ta bisa cu e por proteha e fronteranan miho di e manera aki.

Esaki actualmente ta concerní solamente paisnan pafo di Europa, pero for di cuminsamento di april europeonan tambe lo mester pasa door di e procedura. E ora ei Hulandes y otro Europeo tambe mester di e autorisacion di Biahe Electronico nobo.

NO TA GRATIS

Un ETA asina por wordo pidi online y ta kosta 10 liber, e ekivalente di mas o menos 12 euro. E permit di biahe ta keda balido pa dos aña i por wordo usa mas tanto denter di e dos añanan ei. Merca i Canada, entre otro, tin un areglo similar.

Hulandesnan actualmente no mester di un visa si nan bay Reino Uni pa 180 dia of menos, pero entrante 2 di april un ETA asina lo ta obligatorio, tambe pa mucha. E permit di biahe por wordo aplica for di 5 di maart via e app ‘UK ETA’ of via e website di gobierno britanico.

  • Powered by SETAR