Samenscholingsverbod’ pa para disturbio na Schilderswijk

DEN HAAG – Alcalde di Den Haag Jozias van Aartsen a ordena un asina yama ‘samenscholingsverbod’ como reaccion riba e cantidad di disturbio den Schilderswijk, relaciona cu morto di e arubiano Mitch Henriquez. Asina van Aartsen a bisa awe den un conferencia di prensa. E prohibicion ta conta pa gruponan di mas di tres hende hunto, sin un meta specifico rasonabel.

PROHIBICION

Van Aartsen a bisa di no tin intencion di bay sera Schilderswijk di mundo, y e no kier emiti un prohibicion di teritorio pa e habitantenan cu no tabata envolucra cu polis. Hopi di esnan causando e disturbio, ta menor di edad y ta bin di areanan pafo di e pueblo. Si mester actua, lo actua, pero lo kier laga mira e parti ‘suave’ tambe di e pueblo.

GESCHOKT

Famia Henriquez ta geschokt pa e disturbionan den e area, van Aartsen a bisa durante e conferencia. “Ningun hende, niun hende den Den Haag ta sinta warda pa algo asina. Sigur no e hendenan di Schilderswijk”. E la informa cu tin cu actua. A pidi pa para e disturbionan.

MENASA Y DETENCION

Mientrastanto tin 61 detencion cu a cay den e caso aki. Tur ta hendenan cu lo haya castigo pisa pa e disturbionan causa.”Tempo di multa so, a pasa”. Fiscal Nooy a bisa.