Parlamento ta conoce 5 cara nobo nobo diaranson awor

ORANJESTAD – Aruba lo conoce un total di 5 parlamentario nobo entrante diaranson ora cu Gobernador di Aruba SE Alfonso Boekhoudt huramenta e 21 parlamentarionan cu ta forma e Parlamento ‘nobo’. Esakinan ta personanan cu nunca no a fungi como politico y of parlamentario prome cu diaranson. Nan ta sali for di partido AVP y esun mas nobo, FUTURO. 

KEN TA NOBO

For di AVP, tin cuater, cu ta Wendrick Cicilia, Stephany Sevinger, Clifford Heyliger y Sonaly Fernandez-Acosta. Pa FUTURO, esaki ta Gino Goeloe. Nan ta e 5 personanan cu pa prome biaha ta drenta Parlamento den funcion di Parlamentario. 

GEOFFREY WEVER

Algun por pensa cu Geoffrey Wever tambe mester ta den e grupo aki, pero e realidad ta otro. Despues di eleccion na 2021, Wever a huramenta como parlamentario prome, y ora cu a caba forma gobierno, a retira como parlamentario y a bira minister, cual funcion e ta ocupa te ainda. DOUBLE FUNCION

Alavez tin e situacion atrobe unda cu 5 di e parlamentarionan cu ta huramenta diaranson, lo tin dos funcion. Esun di parlamentario y esun di minister. Esaki pasobra ainda no tin un gabinete y gobierno mester keda funciona. Manera cu Noticiacla a splica anteriormente, ley ta permiti e situacion aki pa 3 luna maximo, despues di cual nan mester scohe ki funcion nan ta keda cu ne. Mayoria, si no ta tur, lo scohe e ora pa e funcion di parlamentario, mirando cu unabez cu nan scohe pa Minister, y despues retira di minister, nan a ‘perde’ nan posicion di parlamentario. 

KEN TA E PARLAMENTARIONAN

Pa loke ta e lista completo di parlamentario cu ta keda huramenta diaranson awor, nan ta como lo siguiente. 

PPA -                 Otmar Oduber

FUTURO –       Gerlien Croes

                          Geoffrey Wever  (y minister)

                          Gino Goeloe

MEP -                 Evelyn Wever-Croes ( y minister) 

                           Dangui Oduber         (y minister)

                           Xiomara Maduro     (y minister) 

                           Endy Croes

                           Rocco Tjon   ( y minister ) 

                           Hendrik Tevreden

                           Edgard Vrolijk

                           Shailiny Tromp-Lee 

AVP -                 Wendrick Cicilia 

                           Mike de Meza  

                           Arthur Dowers

                           Stephany Sevinger

                           Mike Eman

                           Mervin Wyatt-Ras

                           Jennifer Arends-Reyes

                           Clifford Heyliger

                           Sonaly Fernandez-Acosta