Auto di gobernador envolvi den accidente di trafico

ORANJESTAD – E auto di gobernador di Aruba (A1) tabata envolvi den un accidente cu un otro auto. E accidente mes a tuma lugar diaranson atardi, den careda di 5’or na altura di entrada pa Garage Cordia na Camacuri. Gobernador mes no tabata den e auto. No tabatin daño personal, pero si hopi daño material. Director interino di gabinete a confirma e suseso na NoticiaCla.com y ta content cu no tabatin daño personal.

E ACCIDENTE

E accidente a sosode ora cu na entrada di Garage Cordia, un automobilista cu tabata saliendo di Garage Cordia, no a pone atencion y subi caminda grandi y topa cu e auto di gobernador. E auto di gobernador tabata para riba caminda, cla a bira robez den entrada di Garage Cordia. Ora cu e auto contrario a subi caminda, e la topa e auto di gobernador y consecuentemente e autonan a dal den otro (banda robez mey mey a keda gedal di auto di gobernador a hay sla). E auto di e chauffeur cu a ocasiona e accidente, a haya sla parti robez dilanti.

GOBERNADOR NA CORSOU

Gobernador mes ta na Corsow awe na occasion di e celebracion di Dia di Bandera. Algun rato prome cu e accidente, e gobernador tabata na aeropuerto pa biaha pa Corsou.