Arnhem: Cuerpo policial ta den pleno desaroyo, trahando cu strategia clave!

ORANJESTAD – “Nos cuerpo ta den pleno desaroyo, nos ta traha cu strategianan clave. Nos ta profesionalisa nos Cuerpo como tambe fortalese nos politievakmanschap” alto comisario Ramon Arnhem a bisa na final di e aña aki. E desaroyo cu e ta menciona, ta debi cu a y ta  inverti den curso- y materialnan nobo. Pero e mas importante ta, dedica tempo den e persona patras di e polis. 

CAPITAL HUMANO

“E polis, e colega ta nos capital di mas grandi.  Nos kier ta un bon doño di trabao na unda e polis por bin trabao cu smaak y na unda e polis ta central”. Mescos cu aña pasa nan a haci hopi renobacion den cuerpo policial, nan a hacie e aña aki tambe. “Nos a inverti den auto nobo pa tur departamento den KPA , uniform nobo ta yegando, radio nobo pa cada polis, edificio nobonan y y diferente materialnan nobo pa nos Cuerpo. Pero lo mas importante, ta e klas nan nobo di agentenan policial cu ta drentanto “ Arnhem a finalisa bisando.