Conocido personahe radial di Aruba Johnny Habibe a bay sosega

ORANJESTAD – Dialuna mainta a habri cu e tristo noticia cu e conocido personahe radial di Aruba y propietario di su dos radio emisoranan conoci Hit94FM y Mega88FM, Johnny ‘The Anchorman’ Habibe a bay sosega. E tabatin 70 aña di edad. Informacion cu por a compila, ta cu a hayele sin bida riba su cama na su cas. Noticiacla a compronde cu e noticia tabata sorpresa pa su propio yiunan, ya cu e tabata cu nan un anochi prome. E motibo di su morto no ta conoci ainda y no tabatin ningun malesa serio cu por a conduci na su morto, segun informacion ricibi. E ta bay laga atras su tres yiunan Davina, Zena y Zia. Noticia den proceso.