Aeropuerto di Corsou a celebra su di dos miyon pasahero na 2024

WILLEMSTAD - Aeropuerto Internashonal di Corsou (CUR) a experencia un momento históriko ayera: e resepshon di e di dos mion pasahero na 2024. E ekspektativa ya a keda ekspresá siman pasá, pero ayera el a bira un echo. Ta prome biaha cu aeropuerto ta yama bon bini na mas di dos miyon biahero den un aña, un logro cu – segun aeropuerto mes – ta subraya e crecemento di e sector di aviacion y turismo na Curaçao desde e pandemia.

E honor a cay pa e pareha Mericano Kathleen y Stephen Bruce Nelson di Michigan, cu a bishita Curaçao pa prome biaha. Nan a biaha pa Fort Lauderdale via United Airlines y despues pa Curaçao via Azul Airlines. Despues di nan vakantie, awor nan ta regresando Merca. Kathleen Nelson, un ex-agente di biahe, a scoge Curaçao pa motibo di su reputacion como un paraiso di snorkel cu awanan cristalino y bida marino vibrante.

“Yega na dos mion pasahero den un aña ta un logro ekstraordinario ku ta reflehá e konfiansa i fieldat di nos biaheronan, e kolaborashon ku nos partnernan i e kompromiso di nos tim,” asina Jonny Andersen, CEO di CAP, e operadó di e aeropuerto a bisa.

E kresementu ta wòrdu impulsá pa mas buelo di kompanianan di aviashon manera Avianca, Delta i Azul i destinashonnan nobo inkluyendo Bruselas (TUI), Fort Lauderdale (Azul) i Medellín (Wingo). Durante dianan di fiesta, aeropuerto ta premira dianan pico cu mas di 8.500 pasahero pa dia.

CAP ta bisa ku el a tuma medidanan pa manehá e multitutnan, manera prosesonan mas efisiente i koperashon estrecho ku stakeholders, manera Servisio di Inmigrashon, kaminda a surgi filanan grandi den e último lunanan pa motibu di okupashon abou. NOTA: Texto scirbi den Papiamento fonetico di Corsou. Cortesia Curacao.nu