Wind Creek Aruba ta cera aña sin pagara, pero cu hopi ambiente toch!

ORANJESTAD — “Wind Creek Aruba ta lamenta di anuncia cu e celebracion cu e Pagara tradicional cu normalmente sa tuma lugar dia 31 di December, no lo por bai door e anja aki door di motibonan for di nos alcance” e compania a anuncia den fin di siman. Esaki ta confirma e noticia di algun tempo atras di noticiacla, cu no tin pagara e aña aki, debi na problemanan logistico for di China. Y un di esnan cu ta sinti esaki ta Wind Creek. “Ta di lamenta esaki, ya cu e ta un evento esencial y un di e celebracionnan di anja nobo di mas grandi pa nos localnan como tambe bishitantenan di nos isla, simbolisando “core cu e fuku” y duna bon suerte, prosperidad y felisidad na un y tur pa e anja siguiente. Nos ta spera di por bolbe cu e tradición aki pa otro anja cu dios su poder” e compania ta sigui bisa.

Nan a invita pueblo en general pa bin gosa día 31 di December den un ambiente agradabel cu famia y amigonan na 

RENAISSANCE MARKETPLACE:

For di 1 PM cu presentashon en bibo di Robert Jeandor y Su Solo Banda Show na e main stage, sigui cu un set anima di DJ na 4 PM pa mantene e energia di fiesta. Diferente restaurantnan y bar nan na Marketplace lo keda habri te laat pa sirbi eclientenan.

RENAISSANCE MALL:

For di 1 PM cu presentacion tradicional di Dande pa por celebra e parti cultural di Aruba y duna bendishon di Anja nobo na Renaissance Mall, Marketplace y Casinos.

Renaissance Mall lo ta habri te cu 4PM pa por hasi e ultimo compranan pa anja nobo. “Nos ta agradese boso comprencion y sosten durante e anja y ta desea un y tur un bon comienso di 2025 yena cu dicha y prosperidad” e compania a bisa finalmente. NOTA: E potret ta di archivo di Noticiacla.