Polis arubiano ta nenga cu e la maltrata Mitch Henriquez

ORANJESTAD – E echo ku un di e polisnan ku tabata envolví den e detenshon di Mitch Henriquez ta di desendencia arubano a kousa asina tantu comoshon, ku e ta laga sa pa medio di un abogado ku e no ta un di e sinku polisnan ku a arestá e arubano di 42 aña na un manera hopi brutu. Henriques a fayesé un dia despues di su detenshon. Tantu e polis komo su famia na Aruba aktualmente ta bou di menasa, abogado Peter Mohamed ta bisa.

DIVULGA NOMBER

Mohamed ta bisa ku e no ta divulgá nòmber di e polis, pa evitá mas menasa. “Kisas e mes lo sali dilanti mas despues, per aworakí nò”, e abogado ta bisa. Segun Mohamed t’asina si ku e polis arubano, ku tin un dies aña asina ta traha na Den Haag, tabata e promé polis ku tabatin kontakto ku Henriquez. Durante e kontakto aki el a pusha Henriquez bai.

ARMA

Despues, ora ku e tabata seis meter mas leu for di dje, Henriquez lo a grita ku e tin arma. Na e momento ei no e, sino un kantidat di otro kolega a bai pa Henriquez i a domin’é, ku tur e consecuenshanan. Mohamed ta bisa ku ta p’esei no a skòrs e polis arubano.

Autor Ariën Rasmijn. Foto Ariën Rasmijn. Ret Karibense