KPA: Homber na Matadera ta fayece pa motibo di overdose

ORANJESTAD – Polis diabierna a raporta cu diahuebs atardi pa mas o menos 4:30 central a wordo notifica di un caso na unda un homber mester a bira malo na un cas na Matadera.  A despacha patruya di polis como tambe ambulance pa e sitio di e sucedido. 

INVESTIGACION

Na yega di ambos enberdad a topa cu un homber cu no tabata reaciona. Personal di ambulance a haci nan maximo esfuerso pero lamentablemente e homber a fayece . A cuminsa cu un investigacion enconexion cu e caso , mirando cu e situacion no tabata mustra natural, posiblemente lo tabata tin bolita den su curpa.

MORTO

Dr forensico Voskuil a presenta  y ta constata morto di T.A. D’Aguiar di 44 aña naci na Corsow. 

BFTO, como tbe Unidad Narcotica a presenta  pa asina haci nan investigacion. Ariba ordo di Fiscal a laga tuma e curpa den beslag. 

DETENCION

Enconexion cu e investigacion andando a detene 2 persona awe madruga. Ta trata di e homber J.M.Z. Di 25 aña naci na Aruba. Durante un entrada hudicial na un cas na Papilon a detene e homber G.ET. di 40 aña naci na Aruba. 

E caso ta pleno investigacion y no ta descarta cu lo tin mas detencion.  Cuerpo Policial ta haci un apelacion na es cu a sa algo of a wak algo pa yama e tiplijn di polis cu ta 11141. Bo ta keda anonimo.