CAFt: Aruba mester usa su posicion financiero faborabel pa baha e debe rapidamente

ORANJESTAD - Aruba mester usa su posicion financiero faborabel pa baha e debe nacional rapidamente. Asina e colegio di supervision financiero ta bisa den su raportahe di prome mitar di 2024 pubnlica recientemente. Segun e colegio, Aruba a haci un bon trabou den logra e surplusnan necesario y genera mas entrada. Pero e sumanan aki mester wordo usa primordialmente pa baha e debe awor. 

PROME MITAD DI 2024

Den e prome mita di 2024, CAft a conseha riba e di tres y di cuater Uitvoerings raportage (UR) 2023, e di dos presupuesto (BW) 2023, e presupuesto adopta 2024, e prome BW 2024 y e OB 2025. Ademas CAft a conseha Conseho di Minister di Aruba riba e cuadro di varios aña pa e gastonan di cuido di salud. E di cuater UR 2023 ta mustra un surplus provishonal den e sector colectivo di AWG 282 miyon, of 4,0 porciento di GDP. Na 2023, Aruba pues lo cumpli mas cu e norma pa e surplus di financiamento for di e LAft y e protocol di 1 porciento di GDP y e compensacion di deficit prescribi. Pais Aruba tambe ta cumpli cu e norma di gastonan di personal den e protocol y e quota di debe ta desaroyando den liña cu e palabracionnan den e protocol. CAft a expresa su aprecio pa e resultadonan positivo aki.

Aruba ta premira un surplus di financiamento di AWG 211 miyon (2.9 porciento di GDP) cu e prome BW 2024. Cu esaki, Aruba tambe ta cumpli ampliamente cu e norma pa e surplus di financiamento den e LAft ahusta entrante 1 di januari 2024. Conforme cu LAft, Aruba mester uza e surplus pa pago di debe y inversionnan. CAft a conseha e pais pa usa espacio fiscal prudentemente pa 2024 y mas leu door di controla gastonan y priorisa inversionnan riba gastonan di consumido. E conseho aki ainda no ta wordo sigui suficiente pa Aruba.