Aruba ta mantene frontera cera cu Venezuela te por lo menos April 2025!

ORANJESTAD – Gobierno di Aruba diamars a dicidi pa prolonga e ciere di frontera cu Venezuela un biaha mas pa 4 luna, esta te dia 24 di April 2025. Prome minister di Aruba Evelyn Wever-Croes a confirma esaki pa noticiacla diaranson mainta. Den pasado recien, a compronde cu e cierre ta sigui debi cu tin tambe inseguridad pa loke ta e situacion di presidencia na Venezuela. E prome mandatario a mustra cu Hulanda ainda no a reconoce e victoria di e actual presidente Nicolas Maduro, y esaki ta dificulta e proceso. 

INAUGURACION 

Mientrastanto, ta conoci cu e inauguracion di e presidente Venezuelano ta den e prome dos siman di januari 2025. Y ta conoci cu comunidad internacional (USA y EU) a declara despues di eleccion na augustus cu nan no ta reconoce e resultado di eleccion tanten cu Maduro no mustra e actanan. Ademas, oposicion a mustra e actanan di cual ta demostra cu Maduro no a gana. Oposicion a pidi Comunidad internacional pa nos reconoce e resultado. Di otro banda, e siman aki, gobierno Venezolano, pa medio di Diosdado Cabello, a sigura cu tur cos ta sigui normal y cu Maduro mes ta wordo inaugural. Ademas, ta duda cu e candidato opositor, por drenta Venezuela bek, manera cu e kier haci. Como tal, ta interesante pa mira kiko lo bai pasa ainda prome cu inauguracion.