Trump ta keda condena den caso di placa pa silencio

NEW YORK Un huez na New York a dicidi cu e condena di presidente mericano electo Donald Trump pa paga placa di silencio (hush money:red)  lo keda valido por lo pronto. Trump a caba di pidi pa e caso wordo rechasa despues di un desishon di Corte Supremo di Merca riba imunidad pa presidentenan.

Na juli, e Corte Supremo di Merca a dicta cu presidentenan tin imunidad di persecusion penal pa “actonan oficial” cu nan ta haci mientras nan ta den funcion.

Hues Juan Merchan na New York a dicta cu e acusacionnan den e caso di hush-money tabata relaciona cu “conducta no oficial.” Esaki ta nifica cu Trump no por reclama imunidad. Un vocero di Trump a bisa cu e ta kere cu e sentencia ta contrario na e sentencia anterior di Corte Supremo.

ESCANDALO SEXUAL

E caso ta draai rond di pagonan cu e abogado di e tempu ey Michael Cohen a haci na e actris di pelicula di pornografia,  Stormy Daniels. E lo tabata kier a prevení un scandal sexual den e preparacion pa e eleccionnan presidensial di 2016, cu a wordo gana pa Trump. Ta ser bisa cu Trump y Daniels tabatin un relacion na 2006.

Daniels lo ke revelá tur tipo di detaye inkriminante tokante nan relashon. Trump lo tabata kier prevení esei dor di pag’é $130,000.

E pago a keda registra den su administrashon como gastonan hurídico. Asina el a comete falsificacion, corte di New York a dicta na mei di e aña aki. Trump semper a ninga di a hasi algo robes den e caso aki.

Trump ainda por apela e desicion pa no dun’e imunidad. Si e condena keda, Donald Trump lo bira e prome condena pa tuma un asiento den Cas Blanco ora e huramenta na januari 2025.