Rey Willem-Alexander riba 70 aña Statuur: ‘Celebrando coneccion den libertad’

DEN HAAG – Rey Willem-Alexander ta enfatisa e importancia di solidaridad dentro di Reino Hulandes riba Dia di Reino, exactamente 70 aña despues di firmamento di Statuut. E rei ta boga pa celebra libertad y solidaridad.

Diadomingo 15 di december a marca Dia di Reino, e dia riba cual ta celebra cu Hulanda, Aruba, Curaçao y Sint Maarten ta conecta dentro di Reino Hulandes. E aña aki ta marca un logro special: ta exactamente 70 aña pasa cu Reina Juliana a firma e Statuut pa Reino na 1954.

Rey Willem-Alexander a refleha riba e suseso aki y a yama e Statuut “e base di nos laso di Reino.” E ta papia di un dia pa celebra: “Cu nos ta conecta den libertad!” E mensahe aki a wordo publica riba e website oficial di Cas Real.

NIFIKACION HISTORICO DI E STATUUT

Dia 15 di december 1954 Reina Juliana a firma Statuut pa Reino Hulandes na Ridderzaal na Den Haag. E documento aki a regla e relacionnan nobo entre Hulanda y e ex colonianan di Surinam y Antiyas Hulandes. Esaki a completa un proceso importante di decolonisacion.

Den transcurso di añanan, e composion di Reino a cambia. Despues di e salida di Surnam na 1975y e reformanan konstitushonal di 2010, awor Reino ta consisti di Hulanda, Aruba, Corsou y Sint Maarten.

Statuut ta stipula cu e cuater paisnan aki ta partnernan autonomo dentro di Reino, cu nan propio gobierno y podernan. Na mes momento, nan ta conecta den asuntonan di gobierno, manera defensa, asuntunan di exterior y e salbaguardia di derechonan humano.