Directeur di DOW Marlon L. Croes a retira despues di 35 aña

ORANJESTAD -Diabierna dia 6 december 2024, DOW tabata tin sentimentonan mixto pa motibo cu e directeur Marlon  L. Croes a baha cu vakantie y dia 31 di januari 2025 lo ta su ultimo dia como directeur na Departamento di Obra Publico. Manera ta conoci, e la tuma su retiro. 

Marlon L. Croes a caba di studia na aña 1989 na Nationale Hogeschool voor Toerisme & Verkeer y a cuminsa traha na DOW den e mesun aña.

- Entre añanan 1989-1992 e la traha den e departamento di Ontwerp & Planning como un medewerker den Civiel.

- 1992- 1997 a bira waarnemend chef Civiel di e departamento Ontwerp & Planning. 

- Na aña 1997 a bira projectmanager di e departamento di Ontwerp & Planning y tambe a bira waarnemend di e departamento. 

- Na aña 2000 te cu 2014 a bira Hoofd di e afdeling di Beleid & Toezicht.

Por ultimo na aña 2014 te cu awor a funhi como directeur di DOW.

Pues nos mester bisa cu nos directeur tin un amplio conocemento di ful e organisacion di DOW. 

Projectonan importante cu e la logra durante su carera na DOW:

- Implementacion di e verkeercirculatieplan den Oranjestad.

- Diseña y ehecuta e busstation na L.G. Smith Blvd.

- Introduci e regla e prefencia riba rotondenan.

- Diseña y ehecuta e caminda principal di Tanki Flip pa Pos Abou.

- Movemento di e containerhaven di waf pa Barcadera. 

- Realisacion di e plan di embeyecemento den Oranjestad.

- Realisacion proyectonan PPP - Green Corridor y Watty Vos Blvd y 

- Realisacion di proyeco Douankantoor na Barcadera.

Un carera di 35 aña y 10 luna na DOW y a dicidi di tuma un otro rumbo. Kiko e rumbo ey ta, nos no sa ainda pero nos ta sigur cu e lo haci su maximo esfuero manera semper e la haci na DOW.