- Debi na ‘retonan operacional’, SLM ta obliga pa ahusta buelonan pa e.o. Aruba
- Presidente Trump a frena imigracion pa Merca: E prome decretonan di Trump
- Prome caso di asesinato di 2025 na Corsou
- Na Corsou, atrobe Corte ta rechasa suspension di detencion di lider di partido KEM
- Na Corsou a aresta 4 persona cu ta labora na Wardacosta
All To Car ta Expande cu Showroom y Tres Marca Nobo
(ADVERTORIAL)
ORANJESTAD – All To Car, un pionero den e industria di auto na Aruba, ta orguyoso di anuncia e apertura di otro showroom, trahando luga pa yama bon bini na tres marca nobo di auto: Baic, Dongfeng y Kandi. Nan ta bin pa complementa e excelente oferta di e agencia, cu ya ta inclui marcanan popular manera Changan, BAW, Wuling y Hozon.
E soft opening di e showroom nobo a tuma luga diamars 10 di december 2024, den presencia di gerencia, personal, invitado y prensa. E facilidad nobo ta ubica convenientemete banda di e sede original di tienda y garashi na L.G. Smith Boulevard 114, ampliando asina e espacio di All To Car cu un impresionante 3.000 meter cuadra. Esaki ta trece e total na 17.000 meter cuadra, fortaleciendo nos posicion como lider den e sector di auto riba e isla.
E showroom moderno ta mas cu djis un area pa mustra e vehiculonan; tambe ta inclui un battery lab center pa vehiculonan electrico (EV), hybrid y plug-in hybrid (PHEV). Adicionalmente, e facilidad nobo ta conta cu un garashi pa vehiculo di gasolin y diesel, mescos cu un departamento di piesa mas grandi y gestock pa cumpli cu e demanda di nos clientela.
All To Car ta sigui ofrece su garantia di 5 aña of 100.000 kilometer, sigurando e confiansa y satisfaccion di nos clientenan. E compania tambe ta enfoca den mantene e nivelnan mas halto di servicio, certificando nos tecniconan den cada un di e marcanan di auto cu ta representa. Pa marca e ocasion special aki, tres experto di e marcanan nobo tabata presente pa e develop di e showroom y pa entrena e personal local.
Como e prome agencia di auto pa introduci vehiculonan electrico na e isla 12 aña pasa, All To Car a demostra e viabilidad y bentaha di auto EVs, consolidando su papel como e lider den e mercado local pa loke ta transporte sostenibel. E compania tambe a expande su presencia na Corsou cu un agencia completo y ta exporta pa Boneiro, como e representante oficial di seis di su marcanan pa e islanan ABC.
E expansion mas reciente di All To Car ta resalta su compromiso cu innovacion, sostenibilidad y pa brinda vehiculonan di clase mundial na su clientenan.
Pa mas informacion, bishita All To Car na L.G. Smith Boulevard 114 of yama 290-2600 of email na [email protected]. Sigui All To Car riba media social pa e noticia mas nobo riba promocion y servicio na Facebook.
Debi na ‘retonan operacional’, SLM ta obliga pa ahusta buelonan pa e.o. Aruba
PARAMARIBO - E compania di aviacion di Surinam Surinam Airways (SLM) a anuncia cu lo haci cambio den e orario di vuelo pa e rutanan di Paramaribo pa Aruba, Curacao y Miami. E ahustenan lo drenta na vigor dia 31 di maart 2025 y segun e aeroliña, e ta necesario pa ‘ motibo di retonan operacional y e optimalisacion’ di e skema regional. E no ta bisa si kico e ‘retonan’ aki ta.
Lotto Aruba buscando su prome miyonario pa 2025
St Regis ta habri su resort nobo e siman aki na Aruba
ORANJESTAD – E siman aki e hotel mas nobo na Palm Beach ta habri su portanan. Ta trata di St Regis, cu ta pertenece na e grupo di hotel di e cadena Ritz Carlton. E siman aki, e área di Palm Beach ta haña un otro atrakshon grandi: e prome resort di St. Regis den Caribe Hulandes, cu kambernan reservabel for di dia 23 di januari. Noticiacla lo ta bishitando e hotel e siman aki tambe pa conoce mas di cerca.
ATA: Tripadvisor ta premia Aruba como e ‘Mihor Destinacion den Caribe’
ORANJESTAD - Aruba Tourism Authority (A.T.A.) ta orguyoso di anuncia cu Aruba a wordo reconoci pa premiacion di Tripadvisor’s® Travelers’ Choice® 2024. E premio prestigioso aki ta honra destinacionan cu ta ricibi evaluacionan excepcional, consecuentemente Aruba ta bira e mihor destinacion den Caribe y e di binti cuater mihor destinacion di registro mundial riba Tripadvisor.
Diederik Kemmerling re-eligi como presidente di Camara di Comercio
ORANJESTAD – Diederik Kemmerling a keda re-eligi pa presidente di Camara di Comercio pa 2025. Conforme e stipulacion den ley, Camara di Comercio y Industria (KvK) ta representa comercio y industria di Aruba. E directiva di KvK, cu ta consisti di 9 miembro, ta wordo eligi door di representantenan di negoshinan grandi “grootbedrijf” como tambe di negoshinan chikito “kleinbedrijf”. Den e prome reunion di directiva di KvK, e miembronan ta eligi un presidente y un vice-presidente pa e aña actual. Alabes ta keda determina cual miembro lo fungi como e presidente suplente. E presidente y vice-presidente, hunto cu e secretario/director ehecutivo, ta forma e directiva diario di KvK.
Trahadonan di Caribbean Palm Village a bay den accion
ORANJESTAD – Entre 30 pa 40 trahado di Caribbean Palm Village a dicidi di pone trabou abou diahuebs mainta, pa protesta e hecho cu gerencia di hotel no ta cooperando cu e CAO nobo. Segun president di e sindicato FTA Jose Figaroa, e negosacionan pa e CAO nobo a tranca y trahadonan ta decidido pa bringa pa nan derecho. Por lo menos 3 punto ta cardinal, entre nan aumento salarial y bonus, cual e gerencia no kier condeci. A dicidi pa pone trabou abou, cu asina ta bira e prome accion pa 2025 na Aruba. E accion segun Figaroa, ta afecta e operacion ya cu ta encera personal di housekeeping y tambe front desk. Y si despues di e accion, cu tabata poni pa caba 10’or awe mainta no tin solucion, tin pensa pa escala esaki, pero e ora den fin di siman ora cu e efecto ta mas grandi.
Follow NoticiaCla
