Cicilia: Investeringsfonds mester ta importante pa e partido cu forma coalicion cu AVP

ORANJESTAD – E partido cu kier forma un coalicion cu AVP mester haya importante tambe, pa e.o. tin un investerings fonds (conversion di e debe di Covid den un fondo di inversion:red) y tambe e Centraal Plan Bureau cu AVP kier pa loke ta maneho di Aruba. Asina e number 1 riba lista di AVP mr. Wendrick Cicilia a bisa na salida for di su combersacion cu Gobernador Boekhoudt diamars mainta. E tabata e prome di 4 lider politico programa pa reuni. Ademas Cicilia a sigura cu tin suficiente base pa un coalicion entre AVP y FUTURO, y ta algo cu a splica gobernador tambe. E ta referi na e pensamento riba e.o. costo di bida, situacion di nos grandinan y mas, cu ta puntonan cu ta coincidi cu partido FUTURO. 

INFORMADOR 

Pa loke ta informador, Cicilia a informa gobernadora cu AVP ta propone pa Rene ‘Baba’ Herde bira e informador, ya cu e tin e conocemento y experiencia pa por eherce un trabou asina. Herde tabata riba lista di e partido varios biaha y den varios occasion a fungi como e persona pa traha brug entre partido y persona. Gobernador lo dicidi diaranson mainta riba ken lo bira e persona aki, esta e informador.