Gobernador ta reuni awe cu cuater lider politico cu a haya asiento

ORANJESTAD – E cuater lidernan politico cu a ricibi asiento durante e ultimo eleccion parlamentario, Wendrick Cicilia (AVP), Evelyn Wever-Croes, Gerlien Croes (FUTURO) y Otmar Oduber (PPA), ta reuni cu Gobernador di Aruba SE Alfonso Boekhoudt awe. Ta e prome encuentro entre e lidernan y gobernador desde e eleccion. Aki Gobernador ta scucha e pensamento di e lidernan y nan intencion y disponibilidad pa cu e futuro politico di Aruba. Cada uno ta haya 1 ora tempo pa reuni cu Gobernador, dos mainta (AVP y MEP), y dos atardi (FUTURO y PPA). Despues diaranson mainta gobernador, a base di e reunion di awe, ta busca e informacion y ta reuni cu e persona aki diaranson mainta y despues informa ken esaki ta. E persona aki lo tin un siman di tempo pa sondeo e partidonan cu por forma un gobierno nobo. Ta sigui e proceso di nombra un formador, despues cu esaki pasa su screening.